قر پرەمەر-مينيسترٸنٸڭ ورىنباسارى ەرالى توعجانوۆ 5 شٸلدەدەن باستاپ ەنگٸزٸلەتٸن كاراتين كەزٸندە كٶلٸك قوزعالىسىنا قاتىستى تٷسٸنٸك بەردٸ, دەپ حابارلايدى قازاقپارات.
ە. توعجانوۆ بٷگٸن مەملەكەتتٸك كوميسسييانىڭ وتىرىسى ٶتكەنٸن, وسى وتىرىستا كوروناۆيرۋستىڭ تارالۋىنا جول بەرمەۋ ماقساتىندا قاتاڭ شەكتەۋ شارالارىن ەنگٸزۋ مەسەلەلەرٸ, ارنايى ٸس-قيمىل جوسپارلارى قارالعانىن ەسكە سالدى.
«اتالعان جوسپاردا ازاماتتار مەن بيزنەستٸڭ مٷددەلەرٸ تولىق ەسكەرٸلگەن. سول جوسپارعا نەگٸزدەلە وتىرىپ, ينفەكتسييانىڭ تارالۋىنا جول بەرمەۋگە باعىتتالعان شەكتەۋ شارالارىن بيىلعى 5 شٸلدەدەن باستاپ 14 كٷنگە جارييالاۋ تۋرالى شەشٸم قابىلداندى», - دەدٸ ە. توعجانوۆ ورتالىق كوممۋنيكاتسييالار قىزمەتٸندە.
ونىڭ اتاپ ٶتۋٸنشە, باعىتتار سانىن ٶسٸرمەي, ٶڭٸرلەر اراسىنداعى ەۋە قاتىناسى بۇرىنعى دەڭگەيدە ساقتالادى. تەمٸرجول ارقىلى جولاۋشىلار تاسىمالى قىسقارادى. قالالار اراسىنداعى جولاۋشىلار اۆتوبۋسى قاتىناسىن ۋاقىتشا توقتاتۋ ەسكەرٸلگەن.
«ٶڭٸرلەر اراسىندا جەكە كٶلٸكپەن ساپارلاۋعا رۇقسات ەتٸلەدٸ. ۋاقىت بويىنشا شەكتەۋلەردٸ ەسكەرە وتىرىپ, قوعامدىق كٶلٸكتٸڭ جۇمىسى ساقتالادى»,- دەدٸ ٷكٸمەت باسشىنىڭ ورىنباسارى.
