Zańnamaǵa engizilgen túzetý joǵary oqý oryndarynyń úzdiksiz oqytýdy qamtamasyz etý múmkindikterin keńeitedi. Bul týraly Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Endi qaramaǵynda kolledjderi bar joǵary oqý oryndary da tehnikalyq jáne kásiptik bilim berý baǵyty boiynsha memlekettik tapsyrysty ornalastyrý rásimine qatysa alady» - dep jazdy A. Aimaǵambetov áleýmettik jelidegi paraqshasynda.
Osy oraida ministr buǵan deiin olarda memlekettik tapsyrys alý quqyǵy bolmaǵanyn eske saldy.
«Biz bul máseleni de sheshtik. Engizilgen túzetý joǵary oqý oryndarynyń úzdiksiz oqytýdy qamtamasyz etý múmkindikterin keńeitedi. Bul túzetýlerdiń barlyǵy zańnamany jetildirýge, joǵary jáne joǵary oqý ornynan keiingi bilim sapasyn arttyrýǵa baǵyttalǵan», - dedi vedomstvo basshysy.
Budan buryn habarlanǵandai, grantpen oqyǵan túlek óz daiyndyq baǵyty boiynsha jekemenshik uiymdarda esh kedergisiz jumys istei alady.
Aita keteiik, 2021 jyldan bastap árbir joǵary oqý orny bilim alǵan azamattarǵa jeke úlgisi boiynsha diplom beretin bolady. Iaǵni, endi ár joǵary oqý ornynda beriletin diplomdardyń barlyǵy birkelki bolmaidy.
Budan bylai memlekettik úlgidegi diplomdar berilmeidi.
