Eldegi jappai tártipsizdik kezinde qyzmet barysynda mert bolǵan jandardyń balalaryna memleket bilim grantyn bóledi. Bul týraly QR Bilim jáne ǵylym ministrligi joǵary jáne joǵary oqý ornynan keiingi bilim departamenti direktory Ádilet Toibaev málim etti, dep habarlaidy QazAqparat.
«Árine, jappai ereýil kezinde zardap shekkender men olardyń otbasyna tiisti kómek kórsetiledi. Qyzmet barysynda qaza tapqan jandardyń balalaryna bilim grantyn bólý týraly sheshim qabyldandy. Olardyń qatarynda ishki ister ministrligi qyzmetkerleri, órt sóndirýshiler men áskeriler bar. Qazir bul másele zań turǵysynan qaralyp jatyr», - dedi Ádilet Toibaev OKQ-de onlain ótken baspasóz máslihatynda.
Buǵan deiin departament basshysy kolledj jáne JOO basshylyǵy stýdentterge beibit sherý, ereýilderge qatysýǵa tyiym salýy múmkin be degen saýalǵa qatysty pikir bildirdi.
«Shyndyǵyn aitqanda, stýdentterge tyiym salý týraly bizde eshqandai aqparat joq. Joǵary oqý oryndary ondai jumysty ótkizgen emes. Ýniversitet basshylyǵy tarapynan stýdentterge qysym kórsetý týraly fakti bolǵan emes. Taǵy qaitalap aitqym keledi, elde bolǵan jappai tártipsizdikter kezinde stýdentter kanikýlda boldy. Jataqhanalarǵa az ǵana stýdentter qaldy. Onyń ózi shetel stýdentteri. Eger naqty jaǵdai oryn alǵan bolsa, biz ony tekseretin bolamyz», - dep jaýap berdi ministrlik ókili.
