ەلدەگٸ جاپپاي تەرتٸپسٸزدٸك كەزٸندە قىزمەت بارىسىندا مەرت بولعان جانداردىڭ بالالارىنا مەملەكەت بٸلٸم گرانتىن بٶلەدٸ. بۇل تۋرالى قر بٸلٸم جەنە عىلىم مينيسترلٸگٸ جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸ ديرەكتورى ەدٸلەت تويباەۆ مەلٸم ەتتٸ, دەپ حابارلايدى قازاقپارات.
«ەرينە, جاپپاي ەرەۋٸل كەزٸندە زارداپ شەككەندەر مەن ولاردىڭ وتباسىنا تيٸستٸ كٶمەك كٶرسەتٸلەدٸ. قىزمەت بارىسىندا قازا تاپقان جانداردىڭ بالالارىنا بٸلٸم گرانتىن بٶلۋ تۋرالى شەشٸم قابىلداندى. ولاردىڭ قاتارىندا ٸشكٸ ٸستەر مينيسترلٸگٸ قىزمەتكەرلەرٸ, ٶرت سٶندٸرۋشٸلەر مەن ەسكەريلەر بار. قازٸر بۇل مەسەلە زاڭ تۇرعىسىنان قارالىپ جاتىر», - دەدٸ ەدٸلەت تويباەۆ وكق-دە ونلاين ٶتكەن باسپاسٶز مەسليحاتىندا.
بۇعان دەيٸن دەپارتامەنت باسشىسى كوللەدج جەنە جوو باسشىلىعى ستۋدەنتتەرگە بەيبٸت شەرۋ, ەرەۋٸلدەرگە قاتىسۋعا تىيىم سالۋى مٷمكٸن بە دەگەن ساۋالعا قاتىستى پٸكٸر بٸلدٸردٸ.
«شىندىعىن ايتقاندا, ستۋدەنتتەرگە تىيىم سالۋ تۋرالى بٸزدە ەشقانداي اقپارات جوق. جوعارى وقۋ ورىندارى ونداي جۇمىستى ٶتكٸزگەن ەمەس. ۋنيۆەرسيتەت باسشىلىعى تاراپىنان ستۋدەنتتەرگە قىسىم كٶرسەتۋ تۋرالى فاكتٸ بولعان ەمەس. تاعى قايتالاپ ايتقىم كەلەدٸ, ەلدە بولعان جاپپاي تەرتٸپسٸزدٸكتەر كەزٸندە ستۋدەنتتەر كانيكۋلدا بولدى. جاتاقحانالارعا از عانا ستۋدەنتتەر قالدى. ونىڭ ٶزٸ شەتەل ستۋدەنتتەرٸ. ەگەر ناقتى جاعداي ورىن العان بولسا, بٸز ونى تەكسەرەتٸن بولامىز», - دەپ جاۋاپ بەردٸ مينيسترلٸك ٶكٸلٸ.
