Almatyda qańtar oqiǵalary kezinde jasalǵan «urlyq» deregi boiynsha qalalyq sotttarǵa 82 qylmystyq is túsken, dep habarlaidy QazAqparat.
Almaty qalalyq sotynyń baspasóz qyzmetiniń málimetinshe, Almatyda qaraly qańtarda jasalǵan «urlyq» deregi boiynsha 41 qylmystyq iske sot úkimi shyǵaryldy.
«Qańtar oqiǵasyna bailanysty túsken qylmystyq isterdiń jartysyna sot úkimi shyǵaryldy. Olardyń kóbi QR Qylmystyq kodeksiniń 188- baby «urlyq« boiynsha tústi. Azamattar óz kinásin moiyndap, keltirilgen zalaldy materialdyq túrde nemese urlanǵan zatty keri qaitardy. Ózderiniń is-áreketterine ókingeni úshin sottar olarǵa bas bostandyǵyn shekteý jazasyn taǵaiyndap jatyr. Ol 2 jyldan 4 jylǵa deiin bolyp tabylady», - dedi qalalyq sottyń baspasóz hatshysy Abai Jarylqasyn.
Sondai-aq onyń aitýynsha, qylmystardy negizinen jumyssyz, jas azamattar jasaǵan. Olar dúkenderden turmystyq tehnikalar, kompiýter, uialy telefondardy urlaǵan.
Qazirgi ýaqytta qalǵan qylmystyq 41 is qarastyrylý ústinde.
