الماتىدا قاڭتار وقيعالارى كەزٸندە جاسالعان «ۇرلىق» دەرەگٸ بويىنشا قالالىق سوتتتارعا 82 قىلمىستىق ٸس تٷسكەن, دەپ حابارلايدى قازاقپارات.
الماتى قالالىق سوتىنىڭ باسپاسٶز قىزمەتٸنٸڭ مەلٸمەتٸنشە, الماتىدا قارالى قاڭتاردا جاسالعان «ۇرلىق» دەرەگٸ بويىنشا 41 قىلمىستىق ٸسكە سوت ٷكٸمٸ شىعارىلدى.
«قاڭتار وقيعاسىنا بايلانىستى تٷسكەن قىلمىستىق ٸستەردٸڭ جارتىسىنا سوت ٷكٸمٸ شىعارىلدى. ولاردىڭ كٶبٸ قر قىلمىستىق كودەكسٸنٸڭ 188- بابى «ۇرلىق« بويىنشا تٷستٸ. ازاماتتار ٶز كٸنەسٸن مويىنداپ, كەلتٸرٸلگەن زالالدى ماتەريالدىق تٷردە نەمەسە ۇرلانعان زاتتى كەرٸ قايتاردى. ٶزدەرٸنٸڭ ٸس-ەرەكەتتەرٸنە ٶكٸنگەنٸ ٷشٸن سوتتار ولارعا باس بوستاندىعىن شەكتەۋ جازاسىن تاعايىنداپ جاتىر. ول 2 جىلدان 4 جىلعا دەيٸن بولىپ تابىلادى», - دەدٸ قالالىق سوتتىڭ باسپاسٶز حاتشىسى اباي جارىلقاسىن.
سونداي-اق ونىڭ ايتۋىنشا, قىلمىستاردى نەگٸزٸنەن جۇمىسسىز, جاس ازاماتتار جاساعان. ولار دٷكەندەردەن تۇرمىستىق تەحنيكالار, كومپيۋتەر, ۇيالى تەلەفونداردى ۇرلاعان.
قازٸرگٸ ۋاقىتتا قالعان قىلمىستىق 41 ٸس قاراستىرىلۋ ٷستٸندە.
