Qaraqiia aýdanynyń turǵyndary «Bozjyra» shatqalynan 4 shaqyrym jerde vizit ortalyqtyń salýyna qarsy emes, dep habarlaidy QazAqparat.
Buǵan deiin Mańǵystaý oblysynyń Quryq aýylynda «Vizit ortalyǵy» jumys jobasynyń «Qorshaǵan ortaǵa áserin baǵalaý» bólimi boiynsha ashyq otyrys nysanyndaǵy qoǵamdyq tyńdaý ótkenin habarlaǵan bolatynbyz.
Olardyń pikirinshe, bul joba aýdannyń áleýmettik ekonomikalyq damýyna tyń serpin beredi jáne jańa jumys oryndarynyń ashylýyna tyń serpin beredi.
«Men Quryq aýylynyń turǵynymyn. Qazir osy aýyldyń jastarynyń atynan sóilep turmyn. Bizge Bozjyrada týristik keshenniń salynýy qajet. Sebebi bul joba aýylymyzdaǵy jumyssyz jastar úshin kerek. Olarǵa jaqsy kómek bolar edi. Eger joba halyqtyń surap otyrǵanyndai júzege asyrylatyn bolsa, bul úlken múmkindik dep oilaimyn», - deidi Qaraqiia aýylynyń turǵyny Serik Jaqsylyqov.
«Bozjyra» degen bala kezimizden kórip kele jatqan shatqal. Búgingi tańda bul tańǵajaiyp jer zaman aǵymyna sai týristerdiń qyzyǵýshylyǵyn arttyryp otyr. Nege osyndai múmkindikti paidalanyp biz keń baitaq jerimizdiń tarihi-mádeni jerlerin dúiim jurtqa pash etpeske. Jobany júzege asyrsa jańa jumys oryndary ashylady dep jatyr. Eger jergilikti turǵyndardyń áleýetin kóteretin baǵytta jumys júrgizse biz bul jobany qoldaimyz», - dedi Quryq aýylynyń aqsaqaly Erjan Bekniiazov.
