Eýropada «Uly dala teatrynyń» gastroldik týry sátti ótýde. Bul Germaniia, Frantsiia, Avstriia, Belgiia jáne Reseidiń úzdik mýzykalyq sahnalarynda zamanýi qazaqstandyq mádenietti usynatyn Mádeniet jáne sport Ministrliginiń «Rýhani jańǵyrý» baǵdarlamasy aiasyndaǵy jańa jobasy.
Berlinde «Uly Dala Teatrynyń» gastroldik týry «Rashen Haýs» (RussischesHaus) teatrynyń bas sahnasynda Muhtar Áýezovtiń máńgilik klassikalyq týyndysynyń jańa, innovatsiialyq nusqasymen ashyldy. Respýblikalyq akademiialyq nemis drama teatrynyń oryndaýyndaǵy «Qaragóz» qoiylymy halyqaralyq arenadaǵy qazaqstandyq mádenietti tanytýda óz úlesin qosady. Spektakl BUU alty tiliniń biri – nemis tilinde qoiylmaq.
«Muhtar Áýezovtiń pesasy boiynsha «Qaragóz» spektaklin qoia otyryp, Nemis teatry eýropalyq kórermenge Qazaqstanda dramatýrgiianyń bar ekendigin kórsetý mindetin jaqsy túsinedi» - dep atap ótti teatr direktory Natalia Dýbs.
Álem mádenietiniń altyn qoryna engen Muhtar Áýezovtiń klassikalyq týyndysy tupnusqa mátinniń kórkemdigin, tereńdigin saqtap, nemis tilinde jańadan sipatpen ashyldy.
Mahabbat pen kúireý, óz paryzy men qoǵam aldyndaǵy paryz, sezim arasyndaǵy tartys, dástúr men ishki qushtarlyqtyń qaqtyǵysy – Muhtar Áýezovtiń óshpes «Qaragóz» siýjeti tanymal qazaqstandyq rejisser Natalia Dýbstyń qoiylymynda erekshe sipatqa ie boldy.
Bi teatrynyń elementteri aralas «Qaragóz» qoiylym tolǵaýy – bul poetikalyq sóz ben horeografiialyq qimyldyń sintezi. Qazaq sóziniń kórkemdik qýaty, qasieti zamanaýi bidiń ásem de, tartym qimyl yrǵaqtarymen, oralymdarymen kórkem jetkiziledi. Horegorafiiasyn tanymal berlindik horeograf Florian Bilbao qoidy. Spektakl mýzykasyn Germaniianyń kompozitory Iayrope jazdy.
«Biz álemge «Rýhani jańǵyrý» baǵdarlamasynda kórsetilgendei Qazaqstannyń zamanaýi mádenietin kórsetýimiz qajet. Bizdiń «Qaragóz» qoiylymymyz – zamanaýi joba. Bi teatrynyń elementteri bar spektakl-tolǵanys – bul poetikalyq sóz ben horegografiianyń biregei úilesimi bolyp tabylady. Qazaq tiliniń bailyǵyn, beineliligin, qara sóziniń tartymdylyǵyn biz zamanaýi bi – plastika, is-qimyl men qozǵalys arqyly jetkizýge tyrystyq», - deidi Natalia Dýbs.
Jańa sipattaǵy «Qaragózdi» klassika súier qaýym da, avangard óneriniń tabynýshylary da joǵary baǵalady. Kórermender uzaq ýaqyt boiy ártisterdi qol shapalaqtap, óz qoshemetin kórsetti.
Basty partiialarda Asel Abakaeva, irka Abdýlmanova, Kýlbaný Ashimova, Daniia Absaliamova, Akylhan Almasov, Bekarys Boranbaev, Kseniia Mýkshtadt, Alibek Omirbekýly, Ilia Rassahatskii, Svetlana Skobina, Tolaganai Talgat, Iýliia Teifel, Dmitrii Holtsmann oinady.
Nemis teatry qazaqstandyq teatr ónerin Germaniia, Gollandiia, Belgiia, Avstriia, Chehiia, Resei, Koreiadaǵy jáne basqa elderdegi gastrolderde jáne iri festivaldarda birneshe ret sátti tanystyrýda.
Respýblikalyq akademiialyq nemis drama teatry 1980 jyly Temirtaý qalasynda qurylǵan. 1989 jyly Almaty qalasyna aýysady. 90-jyldary bar qiyndyqtardy jeńip, dástúr men zamanaýlyqty, klassika men jańashyldyqty úilesimdi bailanystyryp, Qazaqstan men Germaniia mádenietteri arasyndaǵy altyn kópirge ainalady. Nemis teatry Qazaqstan men shetelderde naǵyz zamanaýi, eksperimentaldy teatr retinde tanylýda. Nemis teatry Qazaqstandy meken etken halyqtardyń salt-dástúrleriniń elementterin shyǵarmashylyqtaryna sińire otyryp, keń kórermenge túsininikti jáne jaqyn spektaklder qoiýda. Teatr Ulybritaniia, Germaniia jáne basqa da alys jaqyn shetelderden rejisserlerdi ortaq shyǵarmashylyq jumystarǵa tarta otyryp, óziniń halyqaralyq bailanystaryn nyǵaitady.
