Qaraǵandy oblysy Abai aýdany ákiminiń orynbasary Dimash Súleimenov qyzmet babyn paidalanyp para alǵan. Ol 1,5 mln teńge kólemindegi qarjyny anasynyń mazaryn salyp, qonaqasyn berýge paidalanbaq bolǵan, dep xabarlaidy Baq.kz aimaqtaǵy tilshisi.
2017 jyldyń 26-shildesinde Abai aýdany ákimniniń sol kezdegi orynbasary Dimash Súleimenovtiń kóliginen Jemqorlyqqa qarsy Ulttyq biýro qyzmetkerleri 1,5 million teńge kóleminde aqsha tapqan bolatyn. Sheneýnik aqshanyń para ekendigin moiyndaǵan. Ol eki apta buryn qaitys bolǵan anasynyń beiitin kóterip, asyn berý úshin para alǵanyn aitqan. Parany D.Súleimenovke «Aimaqtardy damytý-2020» memlekettik baǵdarlamasy boiynsha ǵimarattar salýmen ainalysqan firmanyń ókili bergen. Abai aýdany ákiminiń burynǵy orynbasary parany atqarylǵan jumystar aktisine qol qoiý úshin alǵan.
Qaraǵandy soty ony 6 jylǵa bas bostandyǵynan aiyrý jaily sheshim shyǵardy. Sottalýshy apelliatsiialyq sotqa júginip, isti qaita qaraýǵa ótinish túsirgen. Alqa soty isti qaita qarap D.Súleimenovke shyǵarylǵan úkimdi ózgertip, jazany jeńildetti.
«Sottalýshynyń oń minezdemesi, kinásin moiyndap, ókinýi, buǵan deiin qylmystyq jaýapkershilikke tartylmaǵandyǵy sottyń birinshi instantsiiasynda esepke alynbaǵan. Alqa soty sottyń sheshimi ózgetilýge tiis dep esepteidi. Sottalýshyǵa 4 jyl 6 ai merzimge bas bostandyǵynan aiyrý jaily sheshim shyǵaryldy», - dedi Qaraǵandy oblystyq sotynyń sýdiasy Rashid Nurmaǵambetov.
