قاراعاندى وبلىسى اباي اۋدانى ەكٸمٸنٸڭ ورىنباسارى ديماش سٷلەيمەنوۆ قىزمەت بابىن پايدالانىپ پارا العان. ول 1,5 ملن تەڭگە كٶلەمٸندەگٸ قارجىنى اناسىنىڭ مازارىن سالىپ, قوناقاسىن بەرۋگە پايدالانباق بولعان, دەپ xابارلايدى Baq.kz ايماقتاعى تٸلشٸسٸ.
2017 جىلدىڭ 26-شٸلدەسٸندە اباي اۋدانى ەكٸمنٸنٸڭ سول كەزدەگٸ ورىنباسارى ديماش سٷلەيمەنوۆتٸڭ كٶلٸگٸنەن جەمقورلىققا قارسى ۇلتتىق بيۋرو قىزمەتكەرلەرٸ 1,5 ميلليون تەڭگە كٶلەمٸندە اقشا تاپقان بولاتىن. شەنەۋنٸك اقشانىڭ پارا ەكەندٸگٸن مويىنداعان. ول ەكٸ اپتا بۇرىن قايتىس بولعان اناسىنىڭ بەيٸتٸن كٶتەرٸپ, اسىن بەرۋ ٷشٸن پارا العانىن ايتقان. پارانى د.سٷلەيمەنوۆكە «ايماقتاردى دامىتۋ-2020» مەملەكەتتٸك باعدارلاماسى بويىنشا عيماراتتار سالۋمەن اينالىسقان فيرمانىڭ ٶكٸلٸ بەرگەن. اباي اۋدانى ەكٸمٸنٸڭ بۇرىنعى ورىنباسارى پارانى اتقارىلعان جۇمىستار اكتٸسٸنە قول قويۋ ٷشٸن العان.
قاراعاندى سوتى ونى 6 جىلعا باس بوستاندىعىنان ايىرۋ جايلى شەشٸم شىعاردى. سوتتالۋشى اپەللياتسييالىق سوتقا جٷگٸنٸپ, ٸستٸ قايتا قاراۋعا ٶتٸنٸش تٷسٸرگەن. القا سوتى ٸستٸ قايتا قاراپ د.سٷلەيمەنوۆكە شىعارىلعان ٷكٸمدٸ ٶزگەرتٸپ, جازانى جەڭٸلدەتتٸ.
«سوتتالۋشىنىڭ وڭ مٸنەزدەمەسٸ, كٸنەسٸن مويىنداپ, ٶكٸنۋٸ, بۇعان دەيٸن قىلمىستىق جاۋاپكەرشٸلٸككە تارتىلماعاندىعى سوتتىڭ بٸرٸنشٸ ينستانتسيياسىندا ەسەپكە الىنباعان. القا سوتى سوتتىڭ شەشٸمٸ ٶزگەتٸلۋگە تيٸس دەپ ەسەپتەيدٸ. سوتتالۋشىعا 4 جىل 6 اي مەرزٸمگە باس بوستاندىعىنان ايىرۋ جايلى شەشٸم شىعارىلدى», - دەدٸ قاراعاندى وبلىستىق سوتىنىڭ سۋدياسى راشيد نۇرماعامبەتوۆ.
