Qaraǵandylyq 19 jastaǵy boijetken óz-ózine qol salǵan, oǵan «Kók kit» sýitsidtik toby yqpal etken degen boljam bar, - dep habarlady Ult.kz tilshisi QazAqparat agenttigine silteme jasap.
Boijetkenniń týysy Galina Sibiriakovanyń aitýynsha ol vanna bólmesinde 6 aqpanǵa qaraǵan túni asylyp qalǵan.
«Qaryndasym «Kók kit» qaýipti oiyny saldarynan ómirmen qosh aitysty dep kúdiktenemin. Bul jantúrshigerlik oiyndy «Tynysh úi» dep ataǵanyna ne dersiń. Moderator jasóspirim oryndaýy tiis tapsyrma beredi, mysaly, lezviiamen qolynda kit sýretin salý. Sońǵy tapsyrma - ólimge alyp keledi», - dedi onyń aǵasy Marat.
Qaiǵyly oqiǵa barlyǵy uiyqtap jatqan kezde, túnde bolǵan. Ata-analary qyzynyń oianyp, vannada shomylyp jatqanyn estigen. Al tańǵy saǵat altyda onyń ólip jatqanyn kórgen.
«Onyń telefonyn ashqan kezde «Kók kit» jáne «Tynysh úi», 4:20, men oiyndamyn degen sózderdi taptyq», - dedi Marat.
Qyzdyń týysqanynyń aitýynsha, ispen politsiia ainalysýda. «Moderatordy taýyp, jazasyn beredi dep úmittenemin», - dedi er adam.
