«Qaraǵandy farmatsevtikalyq kesheni» JShS maýsym aiynda «Spýtnik V» vaktsinasynyń óndirisin 1,5 mln dozadan asyrýdy josparlap otyr, dep habarlaidy "Ult aqparat".
Bul týraly «Qaraǵandy farmatsevtikalyq kesheni» JShS bas direktory Sergei Baron onlain baspasóz máslihatynda aitty.
«Qazir kúnine 1 seriia shyǵaramyz. Bir seriia degenimiz – bir komponenttiń 150 myń dozasy degen sóz. Biz eki aýysymmen jumys isteýdi jolǵa qoidyq. Qazir túngi kezekti iske qosyp jatyrmyz. Osy aida 1 mln 200 myń doza shyǵardyq. Qazir ol toptama sapa boiynsha tekserýden ótip jatyr. Mamyr aiynyń sońynda taratylady dep kútip otyrmyz. Onyń aldynda aqpan aiynan beri 1,8 mln doza shyǵarǵan bolatynbyz. Al maýsym aiynda 1,5 mln dozadan asyrýǵa daiynbyz», - dedi kásiporyn basshysy.
Sergei Baronnyń aitýynsha, Densaýlyq saqtaý ministrligi Qaraǵandydaǵy vaktsina zaýytynan 5 mln doza vaktsina satyp alý týraly kelisimshart bekitken eken.
«Densýlyq saqtaý ministrligimen 5 mln doza shyǵarý týraly kelisimshart jasalǵan bolatyn. Ony ýaqytynda oryndaýǵa tolyq múmkindigimiz bar. Eger taǵy óndirý kerek bolsa, kelisimshart aiasynda ulǵaitýǵa daiynbyz», -dedi kompaniianyń bas direktory.
