«قاراعاندى فارماتسەۆتيكالىق كەشەنٸ» جشس ماۋسىم ايىندا «سپۋتنيك V» ۆاكتسيناسىنىڭ ٶندٸرٸسٸن 1,5 ملن دوزادان اسىرۋدى جوسپارلاپ وتىر, دەپ حابارلايدى "ۇلت اقپارات".
بۇل تۋرالى «قاراعاندى فارماتسەۆتيكالىق كەشەنٸ» جشس باس ديرەكتورى سەرگەي بارون ونلاين باسپاسٶز مەسليحاتىندا ايتتى.
«قازٸر كٷنٸنە 1 سەرييا شىعارامىز. بٸر سەرييا دەگەنٸمٸز – بٸر كومپونەنتتٸڭ 150 مىڭ دوزاسى دەگەن سٶز. بٸز ەكٸ اۋىسىممەن جۇمىس ٸستەۋدٸ جولعا قويدىق. قازٸر تٷنگٸ كەزەكتٸ ٸسكە قوسىپ جاتىرمىز. وسى ايدا 1 ملن 200 مىڭ دوزا شىعاردىق. قازٸر ول توپتاما ساپا بويىنشا تەكسەرۋدەن ٶتٸپ جاتىر. مامىر ايىنىڭ سوڭىندا تاراتىلادى دەپ كٷتٸپ وتىرمىز. ونىڭ الدىندا اقپان ايىنان بەرٸ 1,8 ملن دوزا شىعارعان بولاتىنبىز. ال ماۋسىم ايىندا 1,5 ملن دوزادان اسىرۋعا دايىنبىز», - دەدٸ كەسٸپورىن باسشىسى.
سەرگەي باروننىڭ ايتۋىنشا, دەنساۋلىق ساقتاۋ مينيسترلٸگٸ قاراعاندىداعى ۆاكتسينا زاۋىتىنان 5 ملن دوزا ۆاكتسينا ساتىپ الۋ تۋرالى كەلٸسٸمشارت بەكٸتكەن ەكەن.
«دەنسۋلىق ساقتاۋ مينيسترلٸگٸمەن 5 ملن دوزا شىعارۋ تۋرالى كەلٸسٸمشارت جاسالعان بولاتىن. ونى ۋاقىتىندا ورىنداۋعا تولىق مٷمكٸندٸگٸمٸز بار. ەگەر تاعى ٶندٸرۋ كەرەك بولسا, كەلٸسٸمشارت اياسىندا ۇلعايتۋعا دايىنبىز», -دەدٸ كومپانييانىڭ باس ديرەكتورى.
