Lakshmi Mittal Foto: arcelormittalÓnerkásip jáne qurylys ministri Qanat Sharlapaevtan Kostenko shahtasyndaǵy 46 kenshiniń qazasy úshin kásipker Lakshmi Mittal qandai jazaǵa tartylýy múmkin ekeni suraldy, - dep habarlaidy Tengrinews.kz saity.
Jýrnalister "ArselorMittal Temirtaý" kompaniiasynyń basshysy, úndistandyq kásipker Lakshmi Mittal Kostenko shahtasyndaǵy qaiǵyly oqiǵa úshin qalai jazalanatynyn surady.
"Ózderińiz bilesizder, naryqta satylatyn bas kompaniia - "ArselorMittal" osynyń saldarynan aitarlyqtai shyǵynǵa ushyrady. Birinshiden, dúisenbide kompaniianyń satylymy 5,5 paiyzǵa tómendegenin aitqym keledi.
Ol 21 milliardtan 20 milliard dollarǵa deiin tómendedi, iaǵni "Arselor" qazir bolyp jatqan jaǵdaiǵa bailanysty kem degende milliard dollar joǵaltty. Bul birinshi kezekte Qazaqstandaǵy qaiǵyly jaǵdaiǵa bailanysty. Sondyqtan, eger jaýapkershilikke tartý kerek dep aitatyn bolsaq, ekonomikalyq jaýapkershilik qazirdiń ózinde bastaldy", - dedi Sharlapaev.
Zańdy jaýapkershilikke qatysty ministr Qazaqstan zańnamasy men halyqaralyq quqyq normalaryna súiený kerek ekenin atap ótti.
"Osyndai jaǵdaida osy máselemen ainalysatyn jáne tiisti tekserý júrgizip, ony Qazaqstan zańnamasyna sáikes nátijege jetkizetin quzyrly organdar bar ekenine senimdimin", - dep túiindedi ministr.
