Foto: gov.kz
Qaraǵandyda politsiia qyzmetkerleri zeinetkerlerdi aldaǵan jergilikti 50 jastaǵy turǵyndy áshkereledi. Bul týraly óńirlik politsiia deportamentine silteme jasap Ult.kz habarlaidy.
Aldyn ala málimet boiynsha, ol qoǵamnyń eń osal sanaty – zeinetkerlerge qarsy jasalǵan birneshe urlyqqa qatysy bar.
Qylmysker aldyn ala oilastyrylǵan shema boiynsha túrli syltaýlarmen qarttardyń páterine kirgen. Senimine kirip, jinaǵan aqshalarynyń qaida saqtalǵanyn bilgen soń, yńǵaily sátti paidalanyp, qarajatty urlap, izin sýytqan. Sonyń saldarynan jábirlenýshiler kúnkóris qarajatynan aiyrylǵan.
"Politsiiaǵa 83 jastaǵy qaraǵandylyq áiel júgindi.
Aldanǵan zeinetker kúdiktiniń syrtqy kelbetin egjei-tegjeili sipattap bergen, bul politseiler úshin mańyzdy derek boldy.
Onyń kórsetýleri jedel-izdestirý sharalaryn júrgizýge negiz boldy.
Qazybek bi atyndaǵy aýdandyq politsiia bóliminiń qyzmetkerleri kóp uzamai kúdiktiniń jeke basyn anyqtap, ony ustady", delingen habarlamada.
Tergeý barysynda er adam 83 jastaǵy áieldiń aqshasyn urlaǵanyn moiyndap qana qoimai, taǵy bir uqsas qylmys jasaǵanyn da rastady.
Jábirlenýshilerdiń ony tanýy tergeý dálelderin kúsheitti.
Qazirgi ýaqytta qozǵalǵan qylmystyq is aiasynda tergeý jáne jedel sharalar jalǵasýda.
Politsiia kúdiktiniń buǵan deiin zeinetkerlerge qatysty jasalǵan basqa da urlyqtarǵa qatysyn muqiiat tekserýde.
