فوتو: gov.kz
قاراعاندىدا پوليتسييا قىزمەتكەرلەرٸ زەينەتكەرلەردٸ الداعان جەرگٸلٸكتٸ 50 جاستاعى تۇرعىندى ەشكەرەلەدٸ. بۇل تۋرالى ٶڭٸرلٸك پوليتسييا دەپورتامەنتٸنە سٸلتەمە جاساپ Ult.kz حابارلايدى.
الدىن الا مەلٸمەت بويىنشا, ول قوعامنىڭ ەڭ وسال ساناتى – زەينەتكەرلەرگە قارسى جاسالعان بٸرنەشە ۇرلىققا قاتىسى بار.
قىلمىسكەر الدىن الا ويلاستىرىلعان سحەما بويىنشا تٷرلٸ سىلتاۋلارمەن قارتتاردىڭ پەتەرٸنە كٸرگەن. سەنٸمٸنە كٸرٸپ, جيناعان اقشالارىنىڭ قايدا ساقتالعانىن بٸلگەن سوڭ, ىڭعايلى سەتتٸ پايدالانىپ, قاراجاتتى ۇرلاپ, ٸزٸن سۋىتقان. سونىڭ سالدارىنان جەبٸرلەنۋشٸلەر كٷنكٶرٸس قاراجاتىنان ايىرىلعان.
"پوليتسيياعا 83 جاستاعى قاراعاندىلىق ەيەل جٷگٸندٸ.
الدانعان زەينەتكەر كٷدٸكتٸنٸڭ سىرتقى كەلبەتٸن ەگجەي-تەگجەيلٸ سيپاتتاپ بەرگەن, بۇل پوليتسەيلەر ٷشٸن ماڭىزدى دەرەك بولدى.
ونىڭ كٶرسەتۋلەرٸ جەدەل-ٸزدەستٸرۋ شارالارىن جٷرگٸزۋگە نەگٸز بولدى.
قازىبەك بي اتىنداعى اۋداندىق پوليتسييا بٶلٸمٸنٸڭ قىزمەتكەرلەرٸ كٶپ ۇزاماي كٷدٸكتٸنٸڭ جەكە باسىن انىقتاپ, ونى ۇستادى", دەلٸنگەن حابارلامادا.
تەرگەۋ بارىسىندا ەر ادام 83 جاستاعى ەيەلدٸڭ اقشاسىن ۇرلاعانىن مويىنداپ قانا قويماي, تاعى بٸر ۇقساس قىلمىس جاساعانىن دا راستادى.
جەبٸرلەنۋشٸلەردٸڭ ونى تانۋى تەرگەۋ دەلەلدەرٸن كٷشەيتتٸ.
قازٸرگٸ ۋاقىتتا قوزعالعان قىلمىستىق ٸس اياسىندا تەرگەۋ جەنە جەدەل شارالار جالعاسۋدا.
پوليتسييا كٷدٸكتٸنٸڭ بۇعان دەيٸن زەينەتكەرلەرگە قاتىستى جاسالعان باسقا دا ۇرلىقتارعا قاتىسىن مۇقييات تەكسەرۋدە.
