Qaraǵandyda sintetikalyq esirtki jasaýmen ainalysqan úsh jasóspirim ustaldy. Bul týraly QR IIM resmi ókili Nurdildá Oraz málim etti, dep habarlaidy "Ult aqparat".
«Qaraǵandyda esirtki biznesimen kúres qyzmetkerleri sintetikalyq esirtki daiyndaityn zerthana uiymdastyrǵan úsh jasóspirimdi ustady. Olar bul úshin arnaiy páter jaldaǵan. Tintý barysynda arnaiy qurylǵylar men himiialyq reagentter tárkilendi. Sotqa deiingi is qozǵalyp, tiisti saraptamalar taǵaiyndaldy. Ishki ister ministrligi ata-analarǵa bala tárbiesine kóńil bólip, olardy qaraýsyz qaldyrmaýǵa jáne minez-qulqyn baqylaýǵa keńes beredi», - dedi Nurdildá Oraz áleýmettik jelide ótken onlain brifingte.
Resmi ókildiń aitýynsha, buǵan deiin Qaraǵandyda sintetikalyq esirtki óndirisin jolǵa qoiǵan shetel azamaty ustalǵan. Politsiia odan 750 gramm sintetika tárkilegen.
Aita keteiik, bir aptada Qazaqstanda jalpy sany 3424 qylmys tirkeldi. Politseilerdiń jedel áreket etýi nátijesinde 2198 qylmys izi sýymai ashyldy. Onyń ishinde19 adam óltirý, 38 tonaý jáne 513 urlyq faktileri áshkere boldy.
