9 tamyzda Qaraǵandy qalasynyń politsiia basqarmasy patrýldik politsiia polkiniń qyzmetkerleri Raýan Orazbekov pen Erǵanat Qaliolla Buqar jyraý dańǵyly boiyndaǵy kópirden sekirmek bolǵan er adamdy qutqaryp qaldy.
Bul týraly Qaraǵandy oblystyq Politsiia departamentiniń Facebook paraqshasynda habarlandy.
Qaraǵandy qalasynyń politsiia basqarmasy jedel basqarý ortalyǵynan túsken shuǵyl habarlama boiynsha jedel áreket etken politseiler ózine qol jumsamaq bolǵan 41 jastaǵy er adamdy ajaldan alyp qaldy.
«Eki - úsh minýttyń ishinde biz oqiǵa ornyna jettik. Kópirdiń shetinde turǵan er adamdy kórdik. Jarty qadam jasasa qurban blar edi. Óitkeni, tómende temirjol relsteri, joǵary kerneýdegi bailanys symdary bar. Men qorshaýdan ótip, janyna baryp sóilese bastadym. Er adam otbasyn asyrai almaǵandyqtan osyndai qadamǵa barǵanyn moiyndady. Men atymdy aityp, qolymdy sozdym, ol qolyn usynǵan kezde myqtap ustap áriptesimmen birge ony qaýipsiz jerge shyǵaryp aldyq - dedi Raýan Orazbekov.
Politseiler qutqarylǵan azamatty Qaraǵandy qalasynyń politsiia basqarmasynyń Ortalyq politsiia bólimine jetkizdi. 41 jastaǵy er adam qarjylyq qiyndyqqa bailanysty sharasyz qadamǵa barǵanyn moiyndady.
