9 تامىزدا قاراعاندى قالاسىنىڭ پوليتسييا باسقارماسى پاترۋلدٸك پوليتسييا پولكٸنٸڭ قىزمەتكەرلەرٸ راۋان ورازبەكوۆ پەن ەرعانات قاليوللا بۇقار جىراۋ داڭعىلى بويىنداعى كٶپٸردەن سەكٸرمەك بولعان ەر ادامدى قۇتقارىپ قالدى.
بۇل تۋرالى قاراعاندى وبلىستىق پوليتسييا دەپارتامەنتٸنٸڭ Facebook پاراقشاسىندا حابارلاندى.
قاراعاندى قالاسىنىڭ پوليتسييا باسقارماسى جەدەل باسقارۋ ورتالىعىنان تٷسكەن شۇعىل حابارلاما بويىنشا جەدەل ەرەكەت ەتكەن پوليتسەيلەر ٶزٸنە قول جۇمساماق بولعان 41 جاستاعى ەر ادامدى اجالدان الىپ قالدى.
«ەكٸ - ٷش مينۋتتىڭ ٸشٸندە بٸز وقيعا ورنىنا جەتتٸك. كٶپٸردٸڭ شەتٸندە تۇرعان ەر ادامدى كٶردٸك. جارتى قادام جاساسا قۇربان بلار ەدٸ. ٶيتكەنٸ, تٶمەندە تەمٸرجول رەلستەرٸ, جوعارى كەرنەۋدەگٸ بايلانىس سىمدارى بار. مەن قورشاۋدان ٶتٸپ, جانىنا بارىپ سٶيلەسە باستادىم. ەر ادام وتباسىن اسىراي الماعاندىقتان وسىنداي قادامعا بارعانىن مويىندادى. مەن اتىمدى ايتىپ, قولىمدى سوزدىم, ول قولىن ۇسىنعان كەزدە مىقتاپ ۇستاپ ەرٸپتەسٸممەن بٸرگە ونى قاۋٸپسٸز جەرگە شىعارىپ الدىق - دەدٸ راۋان ورازبەكوۆ.
پوليتسەيلەر قۇتقارىلعان ازاماتتى قاراعاندى قالاسىنىڭ پوليتسييا باسقارماسىنىڭ ورتالىق پوليتسييا بٶلٸمٸنە جەتكٸزدٸ. 41 جاستاعى ەر ادام قارجىلىق قيىندىققا بايلانىستى شاراسىز قادامعا بارعانىن مويىندادى.
