QR Densaýlyq saqtaý ministrligi Qaraǵandy farmatsevtikalyq kesheni bazasynda óndiriletin «Spýtnik V» vaktsinasynyń alǵashqy dozasy shamamen qai ýaqytta shyǵatyndyǵyn jariia etti, dep habarlaidy «Ult aqparat».
«Qaraǵandy farmatsevtikalyq kesheni bazasynda óndiriletin «Spýtnik V» vaktsinasy shamamen osy jyldyń aqpan aiynyń sońynda qoljetimdi bolady. Alǵashqy jetkizilimniń boljamdy kólemi 90 myń dozany quraidy. Sodan keiin osy jyldyń shilde aiyna deiin 2 mln doza óndiriledi. Qaraǵandy farmatsevtikalyq kesheni bazasynda shyǵarylatyn «Spýtnik V» vaktsinasynyń kommertsiialyq toptamasyn shyǵarý 2021 jyldyń 25 aqpanynda 90 myń doza mólsherinde bolady dep kútiledi», - delingen atalǵan ministrliktiń taratqan aqparatynda.
Esterińizge sala ketsek, keshe Ortalyq kommýnikatsiialar qyzmetindegi baspasóz máslihaty barysynda QR Densaýlyq saqtaý ministri Aleksei Tsoiǵa Qazaqstanda shyǵarylatyn «Spýtnik V» vaktsinasyna qatysty saýal qoiylyp, ol jaýabyn jazbasha berýge ýáde etken edi.
