قر دەنساۋلىق ساقتاۋ مينيسترلٸگٸ قاراعاندى فارماتسەۆتيكالىق كەشەنٸ بازاسىندا ٶندٸرٸلەتٸن «سپۋتنيك V» ۆاكتسيناسىنىڭ العاشقى دوزاسى شامامەن قاي ۋاقىتتا شىعاتىندىعىن جارييا ەتتٸ, دەپ حابارلايدى «ۇلت اقپارات».
«قاراعاندى فارماتسەۆتيكالىق كەشەنٸ بازاسىندا ٶندٸرٸلەتٸن «سپۋتنيك V» ۆاكتسيناسى شامامەن وسى جىلدىڭ اقپان ايىنىڭ سوڭىندا قولجەتٸمدٸ بولادى. العاشقى جەتكٸزٸلٸمنٸڭ بولجامدى كٶلەمٸ 90 مىڭ دوزانى قۇرايدى. سودان كەيٸن وسى جىلدىڭ شٸلدە ايىنا دەيٸن 2 ملن دوزا ٶندٸرٸلەدٸ. قاراعاندى فارماتسەۆتيكالىق كەشەنٸ بازاسىندا شىعارىلاتىن «سپۋتنيك V» ۆاكتسيناسىنىڭ كوممەرتسييالىق توپتاماسىن شىعارۋ 2021 جىلدىڭ 25 اقپانىندا 90 مىڭ دوزا مٶلشەرٸندە بولادى دەپ كٷتٸلەدٸ», - دەلٸنگەن اتالعان مينيسترلٸكتٸڭ تاراتقان اقپاراتىندا.
ەستەرٸڭٸزگە سالا كەتسەك, كەشە ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا قر دەنساۋلىق ساقتاۋ مينيسترٸ الەكسەي تسويعا قازاقستاندا شىعارىلاتىن «سپۋتنيك V» ۆاكتسيناسىنا قاتىستى ساۋال قويىلىپ, ول جاۋابىن جازباشا بەرۋگە ۋەدە ەتكەن ەدٸ.
