Búgin Qaraǵandydaǵy shahtada 36 jastaǵy kenshi qaza tapty. Oqiǵa sebebin arnaiy komissiia anyqtap jatyr, dep habarlaidy QazAqparat.
Kostenko atyndaǵy shahtada uńǵyma tóbesi qulaǵan. Oqiǵa saldarynan merdiger uiymnyń 36 jastaǵy taý-ken jumysshysy qaza tapty.
«Búgin Kostenko shahtasynda jazataiym jaǵdai saldarynan ÝSM merdiger uiymynyń qyzmetkeri (1986 jyly týǵan) kóz jumdy. Memlekettik komissiia quryldy, oqiǵa tergelýde», - dep habarlady «ArselorMittal Temirtaý» AQ baspasóz qyzmetinde.
Eske salaiyq, biylǵy 24 naýryzda Qaraǵandy oblysyndaǵy «Saran» shahtasynda 57 jastaǵy kenshi qaza bolǵan edi. Ken orny «ArselorMittal Temirtaý» AQ-ǵa tiesili.
