Foto: Svetlana MAKOVEEVA, NSK.KP.RU
Qaraǵandyda dúkenderdiń birinde er adam kámeletke tolmaǵan balany jaralap, qashyp ketti, - dep habarlaidy Tengrinews.kz saity.
Janjal azyq-túlik dúkeninde bolǵan. Kýágerlerdiń aitýynsha, kámeletke tolmaǵan qaraǵandylyq jigit pen dosy kassada kezekte turǵan. Bir kezde dúkenge er adam kirip, kezeksiz tólem jasamaq bolǵan. Kýágerlerdiń aitýynsha, pyshaqtasýǵa deiin barǵan kikiljińge osy sebep bolǵan.
"Ol balalardyń birin pyshaqtap, qashyp ketti. Biz shoshyp qaldyq. Bulai bolady dep oilaǵan joqpyz", - deidi kýáger.
Qaraǵandy oblysynyń politseileri aqparatty rastady. Jol politsiiasy basqarmasynyń bastyǵy Sanjar Ádilovtyń aitýynsha, kúdikti ustalǵan.
"Oqiǵa ornyna jetken jedel-tergeý toby eki jas jigittiń saýda ornynda bolǵanyn anyqtady. Osy jerde beitanys er adam men olardyń arasynda janjal shyqqan. Sol kezde er adam jigitterdiń birin pyshaqtap, qashyp ketken. Jábirlenýshi emdeý mekemesine jatqyzyldy", - dedi Qaraǵandy oblysy boiynsha politsiia departamentiniń basshysy.
Politseiler beinekameralardyń kómegimen kúdiktiniń qaida ketkenin anyqtaǵan.
"Jedel izdestirý sharalarynyń nátijesinde patrýldik politsiia polkiniń qyzmetkerleri 53 jastaǵy kúdiktini anyqtap, ustady.
Bul fakti boiynsha qylmystyq is qozǵalyp, kúdikti ýaqytsha ustaý izoliatoryna qamaýǵa alyndy. Tergeý júrip jatyr", - dep habarlady Sanjar Ádilov.
