قاراعاندىدا ەر ادام جاسٶسپٸرٸمدٸ پىشاقتاپ, قاشىپ كەتكەن

فوتو: سۆەتلانا ماكوۆەەۆا, NSK.KP.RU

قاراعاندىدا دٷكەندەردٸڭ بٸرٸندە ەر ادام كەمەلەتكە تولماعان بالانى جارالاپ, قاشىپ كەتتٸ, - دەپ حابارلايدى Tengrinews.kz سايتى.

جانجال ازىق-تٷلٸك دٷكەنٸندە بولعان. كۋەگەرلەردٸڭ ايتۋىنشا, كەمەلەتكە تولماعان قاراعاندىلىق جٸگٸت پەن دوسى كاسسادا كەزەكتە تۇرعان. بٸر كەزدە دٷكەنگە ەر ادام كٸرٸپ, كەزەكسٸز تٶلەم جاساماق بولعان. كۋەگەرلەردٸڭ ايتۋىنشا, پىشاقتاسۋعا دەيٸن بارعان كيكٸلجٸڭگە وسى سەبەپ بولعان.

"ول بالالاردىڭ بٸرٸن پىشاقتاپ, قاشىپ كەتتٸ. بٸز شوشىپ قالدىق. بۇلاي بولادى دەپ ويلاعان جوقپىز", - دەيدٸ كۋەگەر.

قاراعاندى ​​وبلىسىنىڭ پوليتسەيلەرٸ اقپاراتتى راستادى. جول پوليتسيياسى باسقارماسىنىڭ باستىعى سانجار ەدٸلوۆتىڭ ايتۋىنشا, كٷدٸكتٸ ۇستالعان.

"وقيعا ورنىنا جەتكەن جەدەل-تەرگەۋ توبى ەكٸ جاس جٸگٸتتٸڭ ساۋدا ورنىندا بولعانىن انىقتادى. وسى جەردە بەيتانىس ەر ادام مەن ولاردىڭ اراسىندا جانجال شىققان. سول كەزدە ەر ادام جٸگٸتتەردٸڭ بٸرٸن پىشاقتاپ, قاشىپ كەتكەن. جەبٸرلەنۋشٸ ەمدەۋ مەكەمەسٸنە جاتقىزىلدى", - دەدٸ قاراعاندى ​​وبلىسى بويىنشا پوليتسييا دەپارتامەنتٸنٸڭ باسشىسى.

پوليتسەيلەر بەينەكامەرالاردىڭ كٶمەگٸمەن كٷدٸكتٸنٸڭ قايدا كەتكەنٸن انىقتاعان.

"جەدەل ٸزدەستٸرۋ شارالارىنىڭ نەتيجەسٸندە پاترۋلدٸك پوليتسييا پولكٸنٸڭ قىزمەتكەرلەرٸ 53 جاستاعى كٷدٸكتٸنٸ انىقتاپ, ۇستادى.

بۇل فاكتٸ بويىنشا قىلمىستىق ٸس قوزعالىپ, كٷدٸكتٸ ۋاقىتشا ۇستاۋ يزولياتورىنا قاماۋعا الىندى. تەرگەۋ جٷرٸپ جاتىر", - دەپ حابارلادى سانجار ەدٸلوۆ.