Qaraǵandydaǵy kópqabatty úilerdiń aýlasynda eki jigittiń máiiti tabyldy. Kóp uzamastan politseiler olardy óltirgen er adamdy ustady, dep habarlaidy QazAqparat.
26 shilde túngi saǵat 1:30 shamasynda Qaraǵandy qalasyndaǵy kóp qabatty úilerdiń biriniń aýlasynan eki adamnyń máiiti tabyldy. Oqiǵa orynyna birden jedel-tergeý toby jiberildi. Politsiia qyzmetkerleri birden oqiǵa bolǵan jerdi zerttep, kúdiktini anyqtaý boiynsha keshendi is-sharalar júrgizildi.
«Jedel áreketter barysynda Qaraǵandy qalalyq Politsiia basqarmasy patrýldik politsiia polkiniń qyzmetkerleri 23 jastaǵy kúdiktini anyqtap, ustady. Ol jábirlenýshilermen kelispýshilik barysynda pyshaq jaraqatyn salǵany týraly moiyndaý kórsetpe belgilerin berdi. Qylmys quraly tárkilendi. Atalǵan fakti boiynsha Qylmystyq Kodekstiń 99-baby 2-tarmaǵyna sáikes qylmystyq is qozǵaldy. Politsiia qyzmetkerleri jábirlenýshilerdiń jeke basyn anyqtady. Olar - 18 jáne 20 jastaǵy azamattar. Qazirgi ýaqytta tergeý amaldary júrgizilýde», - dep habarlady Qaraǵandy oblystyq Politsiia departamenti bastyǵynyń orynbasary Ábil Ábildin.
