Qaraǵandy oblystyq beineleý óneri murajaiynda «Dana Abai, dara Abai» kórmesi ashyldy. Ol qazaqtyń uly aqyny Abaidyń týǵanyna 175 jyl tolýyna arnalǵan, dep habarlaidy QazAqparat.
Kórmege murajai qorynan 30-dan astam grafikalyq jáne kórkem jumystar qoiylǵan.
«Munda Abai portretteri men onyń shyǵarmashylyǵyna arnalǵan jumystardy kórýge bolady. Kórmeniń basty jádigerleri - Tóleýǵali Keńesbaev salǵan aqynnyń portreti, sondai-aq Veniamin Shamshinniń «Abai sózi» atty jumysy», - deidi kórmeniń kýratory Nazerke Jartyn.
Murajai jetekshisi Bibigúl Qudabaevanyń aitýynsha, jyldyń osy kórmemen ashylýy kezdeisoq emes.
«Abaidyń 175 jyldyǵy – osy jylǵy eń mańyzdy mereitoilardyń biri. Jyl boiy osy taqyrypqa arnalǵan murajai sabaqtary ótkiziledi. Balabaqshalar, mektepter, kolledjder men JOO osy sabaqtardy ótkizýge ótinim bere alady», - dep atap ótti ol.
Sabaq baǵdarlamasyn mýzei qyzmetkeri Nazerke Jartyn ázirledi. Onda jańa oqý tehnologiialary paidalanylady.
«Buryn dáris oqitynbyz, bul joly oqýshylar toptarǵa bólinip, ózderi zertteý júrgizedi. Biz sabaqty eki tilde ótkizemiz. Búgin kórmeniń ashylýyna úsh mektep: Abai qalasyndaǵy №10 gimnaziia, Qaraǵandy qalasynyń №16 mektebi jáne Maǵjan Jumabaev atyndaǵy №39 litseidiń oqýshylary shaqyryldy», - deidi Nazerke Jartyn.
Kórmeniń ashylýy shaǵyn kontsert formatynda ótti. Oqýshylar Abai óleńderin oqyp, án aityp, ulttyq aspaptarda oinady.
«Biyl búkil respýblika boiynsha biz uly aqyn, kompozitor, filosof, saiasattanýshy, oishyl, jańa qazaq jazba ádebietiniń negizin qalaýshy Abaidyń 175 jyldyǵyn toilaimyz. Bizdiń mektepte kóptegen is-sharalar ótkiziledi. Oǵan ata-analar da belsene qatysady. Sonymen, meniń synybymnyń oqýshysy Ersin Sarik anasy Ásem Shákenovamen birge Abai portretimen qabyrǵa gazetin salyp, shyǵarmashylyq baiqaýdyń Gran-priine ie boldy. Búgin osy qabyrǵa gazetin biz murajaiǵa alyp keldik», - dedi Abai qalasy №10 gimnaziiasynyń bastaýysh synyp muǵalimi Ańsaǵan Aqjanqyzy.
«Dana Abai, dara Abai» kórmesi 20 qańtarǵa deiin jalǵasady.
