قاراعاندى وبلىستىق بەينەلەۋ ٶنەرٸ مۇراجايىندا «دانا اباي, دارا اباي» كٶرمەسٸ اشىلدى. ول قازاقتىڭ ۇلى اقىنى ابايدىڭ تۋعانىنا 175 جىل تولۋىنا ارنالعان, دەپ حابارلايدى قازاقپارات.
كٶرمەگە مۇراجاي قورىنان 30-دان استام گرافيكالىق جەنە كٶركەم جۇمىستار قويىلعان.
«مۇندا اباي پورترەتتەرٸ مەن ونىڭ شىعارماشىلىعىنا ارنالعان جۇمىستاردى كٶرۋگە بولادى. كٶرمەنٸڭ باستى جەدٸگەرلەرٸ - تٶلەۋعالي كەڭەسباەۆ سالعان اقىننىڭ پورترەتٸ, سونداي-اق ۆەنيامين شامشيننٸڭ «اباي سٶزٸ» اتتى جۇمىسى», - دەيدٸ كٶرمەنٸڭ كۋراتورى نازەركە جارتىن.
مۇراجاي جەتەكشٸسٸ بيبٸگٷل قۇداباەۆانىڭ ايتۋىنشا, جىلدىڭ وسى كٶرمەمەن اشىلۋى كەزدەيسوق ەمەس.
«ابايدىڭ 175 جىلدىعى – وسى جىلعى ەڭ ماڭىزدى مەرەيتويلاردىڭ بٸرٸ. جىل بويى وسى تاقىرىپقا ارنالعان مۇراجاي ساباقتارى ٶتكٸزٸلەدٸ. بالاباقشالار, مەكتەپتەر, كوللەدجدەر مەن جوو وسى ساباقتاردى ٶتكٸزۋگە ٶتٸنٸم بەرە الادى», - دەپ اتاپ ٶتتٸ ول.
ساباق باعدارلاماسىن مۋزەي قىزمەتكەرٸ نازەركە جارتىن ەزٸرلەدٸ. وندا جاڭا وقۋ تەحنولوگييالارى پايدالانىلادى.
«بۇرىن دەرٸس وقيتىنبىز, بۇل جولى وقۋشىلار توپتارعا بٶلٸنٸپ, ٶزدەرٸ زەرتتەۋ جٷرگٸزەدٸ. بٸز ساباقتى ەكٸ تٸلدە ٶتكٸزەمٸز. بٷگٸن كٶرمەنٸڭ اشىلۋىنا ٷش مەكتەپ: اباي قالاسىنداعى №10 گيمنازييا, قاراعاندى قالاسىنىڭ №16 مەكتەبٸ جەنە ماعجان جۇماباەۆ اتىنداعى №39 ليتسەيدٸڭ وقۋشىلارى شاقىرىلدى», - دەيدٸ نازەركە جارتىن.
كٶرمەنٸڭ اشىلۋى شاعىن كونتسەرت فورماتىندا ٶتتٸ. وقۋشىلار اباي ٶلەڭدەرٸن وقىپ, ەن ايتىپ, ۇلتتىق اسپاپتاردا وينادى.
«بيىل بٷكٸل رەسپۋبليكا بويىنشا بٸز ۇلى اقىن, كومپوزيتور, فيلوسوف, ساياساتتانۋشى, ويشىل, جاڭا قازاق جازبا ەدەبيەتٸنٸڭ نەگٸزٸن قالاۋشى ابايدىڭ 175 جىلدىعىن تويلايمىز. بٸزدٸڭ مەكتەپتە كٶپتەگەن ٸس-شارالار ٶتكٸزٸلەدٸ. وعان اتا-انالار دا بەلسەنە قاتىسادى. سونىمەن, مەنٸڭ سىنىبىمنىڭ وقۋشىسى ەرسٸن ساريك اناسى ەسەم شەكەنوۆامەن بٸرگە اباي پورترەتٸمەن قابىرعا گازەتٸن سالىپ, شىعارماشىلىق بايقاۋدىڭ گران-پريٸنە يە بولدى. بٷگٸن وسى قابىرعا گازەتٸن بٸز مۇراجايعا الىپ كەلدٸك», - دەدٸ اباي قالاسى №10 گيمنازيياسىنىڭ باستاۋىش سىنىپ مۇعالٸمٸ اڭساعان اقجانقىزى.
«دانا اباي, دارا اباي» كٶرمەسٸ 20 قاڭتارعا دەيٸن جالعاسادى.
