© Sputnik / Vladislav Vodnev
Qaraǵandyda 11 jasar bala qurylysy aiaqtalmaǵan ǵimarattyń lift shahtasyna qulap ketti.
Politsiianyń málimetinshe, jazataiym oqiǵa 3 shildede boldy. Bala aýyr jaraqat alǵanymen, aman qaldy, dep habarlady Sputnik Qazaqstan agenttigi ekaraganda.kz basylymyna silteme jasap.
"Ol meditsinalyq mekemege jetkizildi. Qazirgi ýaqytta saraptama taǵaiyndaldy, onyń nátijesi boiynsha protsessýaldyq sheshim qabyldanady", - dep málimdedi Qaraǵandy oblysy politsiia departamentiniń baspasóz qyzmeti.
Qaraǵandy oblysynyń Densaýlyq saqtaý basqarmasynyń habarlaýynsha, bala oblystyq balalar klinikalyq aýrýhanasynda jatyr.
"Jaǵdaiy turaqty bolǵanymen, aýyr halde", - deidi dárigerler.
Qazirgi ýaqytta politsiia oqiǵanyń mán-jaiyn anyqtap jatyr. Ǵimarat tolyq salynbaǵany belgili. Ol jeke menshik bolyp tabylady jáne proflistpen qorshalǵan.
Biraq jaqyn mańdaǵy úilerdiń turǵyndary balalar keide onyń aýmaǵyna kirip, sol jerde oinaitynyn jetkizdi.
