Qaraǵandyda 86 kópbalaly otbasy qonys toiyn toilady. 30 mamyr kúni qala ákimi Nurlan Áýbákirov olarǵa páter kiltin tabys etti.
Bul páterler Qaraǵandynyń ońtústik-shyǵysynda Baiken Áshimov atyndaǵy jańa shaǵynaýdanda salynǵan úilerde ornalasqan. Bolashaqta munda qalanyń ákimshilik-iskerlik jáne mádeni ortalyǵy ornalasady. Jańa shaǵynaýdanda áleýmettik jáne sport nysandary, gúlzarlar, kontsert zaly, balalar men jasóspirimder saraiy jáne basqa da kóptegen nysandardyń qurylysy josparlanǵan.
«Qazir oblys ortalyǵynda 1500-den astam kópbalaly otbasy ataýly áleýmettik kómek alýda. 500-ge jýyǵy jol júrý jeńildigimen qamtamasyz etilgen. Kópbalaly ata-analarǵa balabaqshada 50% jeńildik qarastyrylǵan. Sonymen qatar, olardyń balalary sporttyq sektsiialar men úiirmelerge tegin bara alady. Al jazda «Saliýt» lagerinde demalýǵa múmkindik jasalǵan», - dep atap ótti Qaraǵandy qalasynyń ákimi Nurlan Áýbákirov.
Elbasy Nursultan Ábishuly Nazarbaevtyń, QR Prezidenti Qasym-Jomart Toqaevtyń, Qaraǵandy oblysynyń ákimi Erlan Qoshanovtyń tapsyrmasy boiynsha kópbalaly otbasylarǵa keshendi qoldaý kórsetilýde. Esterińizge sala keteiik, 1 mamyrda 10 kóp balaly otbasy páter kiltine ie bolǵan edi. Qaraǵandyda memlekettik turǵyn úi qorynan turǵyn úi alýǵa 494 otbasy kezekte tur.
