Qaraǵandy oblysynyń ákimdiginde karantin shekteýin saqtamai, toi jasaǵan sheneýnikke qatysty málimdeme jasady. Oǵan qyzmetten bosatylý qaýpi tónip tur, dep habarlaidy "Ult aqparat".
«Atalǵan memlekettik qyzmetshige qatysty arnaiy tekserý taǵaiyndalady, karantin shekteýi saqtamaý faktisi rastalǵan jaǵdaida, atqaratyn laýazymynan bosatýǵa deiingi eń qatań shara qabyldanady. Sondai-aq, sanitarlyq normalardyń buzylýyna bailanysty is-shara toqtatylǵanyn, uiymdastyrýshylarǵa ákimshilik aiyppul salynatynyn habarlaimyn», - dedi Qaraǵandy oblysy ákiminiń baspasóz hatshysy Marina Shapovalova.
Eske sala keteiik, keshe 7 tamyzda Qaraǵandydaǵy meiramhananyń birinde joǵary laýazymdy sheneýnik 500 adam shaqyryp, qyz uzatý rásimin uiymdastyrǵan. Mobildi top toidy toqtatty.
«Barlyq azamattarǵa aýrýshańdyqtyń ósý kezeńinde barlyq sanitarlyq sharalardy saqtaý qajettigin eskertemiz. Kemshiliktiń aldy.n alý úshin jaýapty memlekettik organdar jumys orny men laýazymyna qaramastan olarǵa qatań shara qoldanady», - dedi oblys ákiminiń baspasóz hatshysy.
