قاراعاندى وبلىسىنىڭ ەكٸمدٸگٸندە كارانتين شەكتەۋٸن ساقتاماي, توي جاساعان شەنەۋنٸككە قاتىستى مەلٸمدەمە جاسادى. وعان قىزمەتتەن بوساتىلۋ قاۋپٸ تٶنٸپ تۇر, دەپ حابارلايدى "ۇلت اقپارات".
«اتالعان مەملەكەتتٸك قىزمەتشٸگە قاتىستى ارنايى تەكسەرۋ تاعايىندالادى, كارانتين شەكتەۋٸ ساقتاماۋ فاكتٸسٸ راستالعان جاعدايدا, اتقاراتىن لاۋازىمىنان بوساتۋعا دەيٸنگٸ ەڭ قاتاڭ شارا قابىلدانادى. سونداي-اق, سانيتارلىق نورمالاردىڭ بۇزىلۋىنا بايلانىستى ٸس-شارا توقتاتىلعانىن, ۇيىمداستىرۋشىلارعا ەكٸمشٸلٸك ايىپپۇل سالىناتىنىن حابارلايمىن», - دەدٸ قاراعاندى وبلىسى ەكٸمٸنٸڭ باسپاسٶز حاتشىسى مارينا شاپوۆالوۆا.
ەسكە سالا كەتەيٸك, كەشە 7 تامىزدا قاراعاندىداعى مەيرامحانانىڭ بٸرٸندە جوعارى لاۋازىمدى شەنەۋنٸك 500 ادام شاقىرىپ, قىز ۇزاتۋ رەسٸمٸن ۇيىمداستىرعان. موبيلدٸ توپ تويدى توقتاتتى.
«بارلىق ازاماتتارعا اۋرۋشاڭدىقتىڭ ٶسۋ كەزەڭٸندە بارلىق سانيتارلىق شارالاردى ساقتاۋ قاجەتتٸگٸن ەسكەرتەمٸز. كەمشٸلٸكتٸڭ الدى.ن الۋ ٷشٸن جاۋاپتى مەملەكەتتٸك ورگاندار جۇمىس ورنى مەن لاۋازىمىنا قاراماستان ولارعا قاتاڭ شارا قولدانادى», - دەدٸ وبلىس ەكٸمٸنٸڭ باسپاسٶز حاتشىسى.
