Qaraǵandy oblysynyń iri farmdistribiýtory ystyq túsiretin jáne virýsqa qarsy preparattardy dárihanalarǵa jónelte bastady, dep habarlaidy QazAqparat.
Maýsym aiynda birneshe kúnde dárihana jelisinen qyzýdy tómendetetin, virýsqa qarsy preparattar men antibiotikterdiń keibir túrleriniń bir ailyq qory satyp alynǵan bolatyn. Aita ketý kerek, dárilerdi jetkizý qarqyny da esh báseńdegen emes.
QR Sybailas jemqorlyqqa qarsy is-qimyl agenttiginiń departament basshysy Denis Shákenov pen Qaraǵandy oblysy ákiminiń orynbasary Álisher Ábdiqadyrov bastaǵan arnaiy monitoring tobynyń músheleri qaladaǵy dárihanalar men farmatsevtikalyq qoimalarda suranysqa ie dárilerdiń bar-joǵyn tekserdi.
Qazir Paratsetamolǵa degen suranys joǵary, ol óte tez satylyp jatyr. Iri farmatsevtikalyq qoimada osy tabletkalardyń 190 myń qaptamasy bolǵanyna qaramastan, olardy satylymǵa jibermegen. Mundai kidiristiń sebebin mamandar mindetti sertifikattaýdan ótý qajettligimen túsindiredi. Osyǵan deiin mundai protseske bir ai ýaqyt qajet bolatyn. Al qazir qalyptasqan jaǵdaidy eskere otyryp, Densaýlyq saqtaý ministrliginde bul protsedýra qarapaiymdatyldy. Alaida, biýrokratiialyq talaptardyń saldarynan taýardy jedel jóneltý múmkin bolmady.
Oblys ákimi Jeńis Qasymbek dári-dármekterdi jiberý protsesin tezdetýdi tapsyrdy jáne baǵany negizsiz qymbattatpaý úshin arnaiy organdardan jaǵdaidy baqylaýǵa alýdy surady.
«Qazir biz jaǵdaidy, ásirese baǵany kóterý jáne qaita satý faktilerin muqiiat qadaǵalaityn bolamyz. Ol úshn zańda jaýapkershilik kózdelgen. Eń qatań sharalar qabyldaimyz», - dedi Denis Shakenov.
Logistikany eskere otyryp, oblys dárihanalaryna aldaǵy birneshe kúnde joǵary suranysqa ie preparattar jetkiziledi.
