Qaraǵandy, Abai, Saran, Temirtaý, Shahtinsk qalalary 2020 jylǵy 30 naýryzdan bastap karantinge jabylady, dep habarlaidy "Ult aqparat".
«Qaraǵandy oblysynyń bas memlekettik sanitarlyq dárigeriniń 2020 jylǵy 29 naýryzdaǵy «Qaraǵandy, Abai, Saran, Temirtaý, Shahtinsk qalalarynyń aýmaǵynda karantin engizý týraly» Qaýlysyna sáikes atalǵan qalalardyń aýmaǵynda 2020 jyldyń 30 naýryzynda saǵat 00.00 - den bastap kásipkerlik jáne (nemese) ózge de qyzmet pen halyqtyń ómir súrý jaǵdaiy erekshe jaǵdaida karantin rejimi engiziledi», - dedi Qaraǵandy oblysynyń bas sanitarlyq dárigeri Qanat Asqarov.
Atalǵan qala turǵyndary Qazaqstan Respýblikasy Prezidentiniń 2020 jylǵy 15 naýryzdaǵy № 285 Jarlyǵyna jáne Qazaqstan Respýblikasynda tótenshe jaǵdai rejimin qamtamasyz etý jónindegi memlekettik komissiianyń 2020 jylǵy 17 naýryzdaǵy № 2 sheshimine sáikes tótenshe jaǵdai rejimin saqtaýlary qajet.
Qaýlyǵa sáikes, azamattarǵa taýarlar men qyzmetterdiń sapasy men qaýipsizdigin baqylaý aýmaqtyq basqarmalarynyń ruqsatynsyz qalalardan tys jerlerge shyǵýdy shekteidi. Sondai-aq, jaiaý jáne kólikte qalalar boiynsha qozǵalysty barynsha shekteidi; saýda jáne dárihana obektilerine barǵan kezde jáne qoǵamdyq kólikti paidalanǵan kezde, sondai-aq jumys oryndarynda bir-birinen keminde eki metr qashyqtyqty saqtaýǵa; respiratorlyq infektsiianyń alǵashqy belgileri (tumsyq, tunshyǵý, temperatýra) paida bolǵan kezde 103 nómiri boiynsha jedel meditsinalyq járdem shaqyrý arqyly meditsinalyq uiymdarǵa barmai, úide meditsinalyq kómek kórsetý úshin dereý júginýge; kámeletke tolmaǵandardyń eresek adamdardyń ertip júrýinsiz júrip-turýyna tyiym salady.; 65 jastan asqan adamdardyń kóshege shyǵýyna tyiym salady, jergilikti atqarýshy organdardyń kúshimen arnaiy kútim uiymdastyrady.
Qyzmet kórsetý salasyndaǵy kásipkerlik sýbektilerine keletin bolsaq, jiti respiratorlyq juqpalar (joǵary temperatýra, jótel, tumsyq jáne t. b.) bar kelýshilerdi obektilerge jibermeý jáne kúsheitilgen dezinfektsiialyq rejimdi engizý týraly qaýly qabyldandy.:
- osy qaýlynyń barlyq tarmaqtaryn qatań saqtaý jáne onyń oryndalýyn qamtamasyz etý.
Barlyq menshik nysanyndaǵy uiymdardyń basshylaryna:
- jumys kúnin 2 saǵatqa qysqartý;
- jumys oryndaryn saqtaýdy qamtamasyz etý jáne aqy tólenetin demalys berý arqyly qyzmetkerlerdi qashyqtyqtan jumysqa aýystyrý týraly máseleni qarastyrý.
Bilim berý nysandary boiynsha-6 sáýirden bastap Qashyqtyqtan oqytýǵa aýystyrylady.
Osylaisha, 2020 jylǵy 30 naýryzda 00.00 saǵat Qazaqstan Respýblikasynyń basqa óńirleriniń aýmaǵyna covid - 19 koronavirýstyq juqpasynyń taralýynyń jolyn kesý maqsatynda adamdardyń qalalardyń karantindik aimaǵyna/aýmaqtaryna kelýine-shyǵýyna tyiym salynady.
