Qaraǵandy oblysynyń Balqash qalasynda koronavirýs infektsiiasynyń tirkelý sanynyń ulǵaiýyna bailanysty shekteý sharalary kúsheitiledi, dep habarlaidy "Ult aqparat".
QR Úkimeti janyndaǵy koronavirýstyń taralýyna jol bermeý jónindegi vedomstvoaralyq komissiianyń málimetine sáikes, 24 qazan saǵat 00.00-den bastap:
1. 65 jastan asqan adamdarǵa kóshege shyǵýǵa shekteý engiziledi.
2. Kámeletke tolmaǵan balalarǵa eresekterdiń qaraýynsyz júrýine tyiym salynady.
3. Halyq kóp jinalatyn oryndar: gúlzarlar, saiabaqtar, jaǵalaýlar men úilerdiń aýlasyndaǵy balalar alańdary jabylady.
4. Zeinetkerler men múmkindigi shekteýli adamdarǵa kómek kórsetý boiynsha volonterlerdiń jumysy jandandyrylady (65 jastan asqan adamdarǵa azyq-túlik, dári-dármek jetkizýge, zeinetaqy alýǵa jáne t.b. kómek).
5. Buqaralyq aqparat quraldarynda volonterlerdiń, jetkizý qyzmetteriniń telefon nómirleri jariialanatyn bolady.
6. Qala boiynsha qoǵamdyq kólikterdiń qozǵalysy shekteledi. Tek ónerkásiptik kásiporyndarǵa jumysshylardy jetkizetin qoǵamdyq kólikterdiń júrýine – ruqsat.
7. Balqash stantsiiasyn, Qońyrat shaǵynaýdanyn qosa alǵanda, qala aýmaǵynda saǵat 22.00-den 05.00-ge deiin jeke avtokóliktiń barlyq túriniń qozǵalysyna tyiym salynady.
8. Qoǵamdyq tamaqtaný nysandarynyń jumys ýaqyty saǵat 22.00-ge deiin shekteledi.
9. Azyq-túlik satatyn nysandardyń jumys ýaqyty saǵat 22.00-ge deiin shekteledi.
10. Qyzmet kórsetý salasyndaǵy nysandar: shashtarazdar, sulýlyq salondar, monshalar, saýnalar - qyzmet kórsetýdi qatań túrde aldyn ala jazylý boiynsha júzege asyrady. Sondai-aq dezinfektsiialyq is-sharalardy júrgizýge, kelýshiler arasyndaǵy ara-qashyqtyqtyń saqtalýyn qadaǵalaýǵa mindetteledi.
11. Kásipkerlik sýbektiler: nysandarǵa maskasyz jáne kataraldy belgileri bar (jótel, murynnyń aǵýy, temperatýra) kelýshilerdi kirgizbeýi tiis.
12. Táýlik boiy qalada politsiia bólimi men áskeri politsiia kúshterimen patrýldeý uiymdastyrylady. Úsh adamnan artyq toptasýǵa jol berilmeidi.
13. Balqash qalasynyń aýmaǵynda ornalasqan áskeri bólimder, onyń ishinde azamattyq personal qashyqtan jumys rejimine (qyzmetkerlerdiń keminde 50%) kóshiriledi.
