Osakarov aýdanynyń murajaiynda tas aiaq kiim saqtalǵan. Aiaq kiimdi jergilikti turǵyndardyń biri jer aýdarylǵandar turǵan úidi qazǵan kezde tapqan, dep habarlaidy "Ult aqparat".
Qaraǵandy oblysynyń Osakarov aýdanynda jappai saiasi qýǵyn-súrgin kezinde birqatar kentter paida bolǵan. 1952 jyly №4 arnaiy kenti Tsentralnoe aýyly bolyp ózgertildi. Bul kentterde jer aýdarylǵan azamattardyń týystary áli de turyp jatyr. Olardyń jergilikti tarihty erekeshe dáripteýi jerlesterimiz úshin maqtanysh sezimin týdyrady.
Tsentralnoe aýyly tek dombyra jasaǵan mýzyka sheberhanasymen ǵana emes, sonymen birge óz murajaiymen de tanymal. Atalǵan tarihi zattar jalpy bilim beretin mektep qabyrǵasynda ornalasqan jáne kóptegen qyzyqty artefaktileri bar. Bul zattardyń barlyǵy bir kezderi aýyldyń negizin qalaýshylarǵa tiesili bolǵan. Munda nemis tilinde 1890 jyly jaryq kórgen Kieli kitap, turmystyq zattar, sondai-aq aýyldastardyń, maidangerlerdiń, jaýynger-internatsionalisterdiń jeke zattary saqtalǵan. Biraq eń tańǵajaiyp jádiger - Kúl qyzdyń aiaq kiimine uqsas tas týfli.
Murajai qyzmetkeriniń aitýynsha, ol murajaiǵa kezdeisoq ákelingen. Aýyl turǵyndary eski úidiń ornyn qazý keziede osy aiaq kiimdi taýyp alǵan. Ol qaidan paida boldy jáne qansha jyl buryn jasalǵany belgisiz. Múmkin, týflidi ózderimen birge jer aýdarylǵandar alyp kelgen degen de boljam bar.
