Qaraǵandy oblysynda koronavirýstyq infektsiiaǵa qarsy vaktsinatsiia 1 aqpanda bastaldy. Búgingi tańda 700-ge jýyq adam ekpe aldy. Bul meditsina qyzmetkerleri. Jyl sońyna deiin 700 myńǵa jýyq turǵyndy vaktsinatsiialaý josparlanýda, dep habarlaidy "Ult aqparat".
Óńirdegi epidemiologiialyq jaǵdai jáne vaktsinatsiia naýqany týraly Densaýlyq saqtaý basqarmasynyń basshysy Erjan Nurlybaev Óńirlik kommýnikatsiialar qyzmeti alańynda tikelei efirde ótken brifingte aityp berdi.
«Qaraǵandy oblysy «jasyl aimaqqa« oraldy. Epidjaǵdai turaqty dep baǵalanady. Ótken aptada 418 naýqas anyqtaldy, olarda aýrý zerthanalyq diagnostikalyq ádispen rastaldy. 21 myń adam testileýden ótti», - dedi spiker.
COVID-19 vaktsinatsiiasy úshin oblys boiynsha 115 egý kabineti ashyldy. Vaktsinany tasymaldaý jáne saqtaý qaýipsizdigi úshin qajetti jabdyqtar satyp alyndy.
Árbir egý kabinetinde beinekameralar ornatylǵan. Olar onlain rejiminde bolyp jatqannyń bárin taratady.
Basqarma basshysynyń aitýynsha, vaktsinatsiia kólemi ai saiyn artatyn bolady.
«Bir jyl ishinde oblysymyzdyń 700 myńnan kem emes turǵynyn vaktsinatsiialaý josparlanýda. Qazaqstanda 2021 jyldyń sońyna deiin barlyǵy 6 mln adamdy egý kózdelip otyr. Koronavirýstyq infektsiia vaktsinamen tejeletin infektsiialarǵa jatady. Vaktsinatsiia - bul barlyq shekteýlerdi alyp tastaýǵa jáne dástúrli ómir saltyna oralýǵa múmkindik beretin jalǵyz ádis», - dedi Erjan Nurlybaev.
Ol vaktsina týraly jalǵan habarlamalar men kúmándi habarlamalarǵa boi aldyrmaýǵa jáne resmi aqparat kózderine senýge shaqyrdy.
Buǵan deiin habarlanǵandai, Qaraǵandy farmatsevtikalyq kesheniniń (QBK) bazasynda tehnologiialar transferti boiynsha «Spýtnik V» koronavirýsyna qarsy reseilik vaktsinany shyǵarý týraly sheshim qabyldandy. Tehnikalyq aýdit alańnyń daiyndyǵyn rastady.
Yntymaqtastyq týraly kelisimge QR Densaýlyq saqtaý ministrligi men Reseidiń tikelei investitsiialar qory (RFPI) qol qoidy. Keshen bazasynda Reseiden jetkiziletin sýbstantsiiadan kezeń-kezeńimen vaktsinalardyń eki million dozasy óndiriledi dep kózdelip otyr.
QFK kelisimsharttyq óndirýshi retinde áreket etedi. Litsenziialar men noý-haýdyń iesi - RFPI. Keshen zerthanalarynda jáne vaktsina ázirleýshisi Gamaleia atyndaǵy Máskeý ǴZI-da sapany eki márte baqylaý kózdelgen.
