Qaraǵandy oblysynyń Topar kentiniń mańynda júk poiyzy áiel adamdy qaǵyp ketti. Ol alǵan jaraqatynan oqiǵa ornynda mert boldy, dep habarlaidy QazAqparat.
Qaiǵyly oqiǵa Qaraǵandy oblysyna qarasty «Qarabas-Topar» ótkelinde bolǵan.
«10 sáýirde atalǵan fakti Qaraǵandy-Suryptaý stantsiiasyndaǵy jelilik politsiia bóliminde QR Qylmystyq kodeksiniń 344-baby 2-bóligi, iaǵni, «Abaisyzda adam ólimine ákep soqqan temirjol kóligi qozǵalysynyń qaýipsizdik qaǵidalaryn buzý« boiynsha tirkeldi. Qazirgi ýaqytta is boiynsha tiisti tergeý amaldary júrgizilip jatyr», - dep habarlady Qaraǵandy oblysynyń kóliktegi politsiia departamentiniń baspasóz qyzmeti.
Sondai-aq vedomstvo atalmysh is boiynsha basqa aqparat QR Qylmystyq is júrgizý kodeksiniń 201-babynyń talaptaryna sáikes tergeý múddesine orai jariialaýǵa jatpaitynyn málimdedi.
