Foto: aif.ru
Qaraǵandy oblysynda aýyl turǵyny zeinetkerdiń bank kartasynan 5 jyl boiy aqsha urlap kelgen, - dep habarlaidy Tengrinews.kz tilshisi Polisia.kz saityna silteme jasap.
14 naýryzda Qaraǵandy oblysy Osakarov aýdanynyń politsiia bólimine eldi mekenderdiń biriniń 71 jastaǵy turǵyny júgingen. Turǵyn zeinetaqy alatyn bank kartasyn urlatyp alǵanyn aitqan.
Politseiler urlyqqa 65 jastaǵy aýyl turǵynynyń qatysy baryn anyqtaǵan. Zeinetker jalǵyz turady, múgedek. Kúdikti oǵan kómektesemin dep sendirgen.
"Bul rette ol zeinetkerdiń bank kartasyn alyp, 2017 jyldan 2021 jyldyń jeltoqsanyna deiin barlyq kiris qarajatyn alyp, óz maqsatyna paidalanǵan. Derek boiynsha QR Qylmystyq kodeksiniń 190-baby "Alaiaqtyq" boiynsha qylmystyq is qozǵaldy. Qazir tergeý amaldary júrgizilip jatyr", - delingen habarlamada.
Qazirgi ýaqytta politseiler kúdiktiniń zeinetkerge keltirgen shyǵyn kólemin anyqtap jatyr.
