فوتو: aif.ru
قاراعاندى وبلىسىندا اۋىل تۇرعىنى زەينەتكەردٸڭ بانك كارتاسىنان 5 جىل بويى اقشا ۇرلاپ كەلگەن, - دەپ حابارلايدى Tengrinews.kz تٸلشٸسٸ Polisia.kz سايتىنا سٸلتەمە جاساپ.
14 ناۋرىزدا قاراعاندى وبلىسى وساكاروۆ اۋدانىنىڭ پوليتسييا بٶلٸمٸنە ەلدٸ مەكەندەردٸڭ بٸرٸنٸڭ 71 جاستاعى تۇرعىنى جٷگٸنگەن. تۇرعىن زەينەتاقى الاتىن بانك كارتاسىن ۇرلاتىپ العانىن ايتقان.
پوليتسەيلەر ۇرلىققا 65 جاستاعى اۋىل تۇرعىنىنىڭ قاتىسى بارىن انىقتاعان. زەينەتكەر جالعىز تۇرادى, مٷگەدەك. كٷدٸكتٸ وعان كٶمەكتەسەمٸن دەپ سەندٸرگەن.
"بۇل رەتتە ول زەينەتكەردٸڭ بانك كارتاسىن الىپ, 2017 جىلدان 2021 جىلدىڭ جەلتوقسانىنا دەيٸن بارلىق كٸرٸس قاراجاتىن الىپ, ٶز ماقساتىنا پايدالانعان. دەرەك بويىنشا قر قىلمىستىق كودەكسٸنٸڭ 190-بابى "الاياقتىق" بويىنشا قىلمىستىق ٸس قوزعالدى. قازٸر تەرگەۋ امالدارى جٷرگٸزٸلٸپ جاتىر", - دەلٸنگەن حابارلامادا.
قازٸرگٸ ۋاقىتتا پوليتسەيلەر كٷدٸكتٸنٸڭ زەينەتكەرگە كەلتٸرگەن شىعىن كٶلەمٸن انىقتاپ جاتىر.
