Foto: Polisia.kz
Qaraǵandy oblysynda politsiia qyzmetkerleri iri óndiristik kásiporynda áreket etken qylmystyq toptyń jolyn kesti, dep habarlaidy Ult.kz.
27 sáýir kúni júrgizilgen jedel sharalar barysynda Qarmet AQ-da zańsyz shemalar uiymdastyrǵan top ustaldy. Tergeý málimetinshe, kúdiktiler kásiporynnyń jekelegen qyzmetkerlerimen sóz bailasyp, jetkiziletin shikizattaǵy temir quramynyń kórsetkishterin qoldan kóterip otyrǵan.
Osynyń saldarynan kásiporynǵa shamamen 190 mln teńge kóleminde shyǵyn keltirilgen. Zańsyz áreketterge qatysy bar degen kúdikpen 13 adam ustaldy, olardyń barlyǵy Temirtaý qalasynyń turǵyndary.
Tintý barysynda kúdiktilerden iri kólemde aqsha qarajaty men basqa da zattai dáleldemeler tárkilendi. Qazirgi ýaqytta sotqa deiingi tergeý amaldary júrgizilýde.
Quzyrly organdardyń málimetinshe, qabyldanǵan sharalar qalaquraýshy kásiporynnyń turaqty jumysyn qamtamasyz etýge baǵyttalǵan. Bul baǵyttaǵy jumystar aldaǵy ýaqytta da jalǵasady.
