Qaraǵandy oblysy Priozersk qalasynyń prokýrory men Priozersk garnizony áskeri prokýratýrasynyń aǵa prokýrory para alyp jatqan jerinde ustaldy, dep habarlaidy Bas prokýratýranyń baspasóz qyzmeti.
"Búgin Bas prokýratýranyń ishki tergeý departamentiniń qyzmetkerleri Qaraǵandy oblysy Priozersk qalasynyń prokýrory E.B. Turysbekov jáne Áskeri prokýratýranyń Priozersk garnizonynyń aǵa prokýrory A.Ý. Radjapovtardy 1000 AQSh dollary kóleminde para alý qylmysy ústinde ustady. Qarajat qylmystyq isti toqtatý úshin S. degen azamattan bopsalanǵan.", — dep jazylǵan habarlamada.
Is boiynsha tiisti tergeý jumystary júrgizilýde.
Baspasóz qyzmeti ózge málimetter tergeý múddesine bailanysty jariialanbaitynyn habarlady.
