Foto: www.gov.kz
Qaraǵandy oblysy Buqar jyraý aýdanynyń úsh aýylynda epizootiialyq limfangit tirkelgen. Eki jyl ishinde 300-den astam jylqy qyrylǵan, dep habarlaidy Ult.kz inbusiness.kz-ke silteme jasap.
Qaraǵandy oblysy aýmaqtyq inspektsiiasynyń mamandary Buqar jyraý aýdanynyń úsh aýylynda epidemiia tirkelgenin resmi rastady. Jylqylar arasyndaǵy dertti eki jyl buryn Úmitker aýyldyq okrýginiń mamandary anyqtaǵan. Juqpaly mal aýrýy aýdannyń taǵy eki aýylynda tirkelgen.
"Karantindik aimaqta Veterinariialyq baqylaý jáne qadaǵalaý komiteti epizootikalyq aýrýlarǵa qarsy respýblikalyq jasaǵynyń mamandary jumys isteýde. Olardyń mindeti – bes kúnde bir ret iri jylqy úiirlerin ainalyp ótip, klinikalyq rastalǵan aýrýy bar janýarlardy oqshaýlaý. Ár on bes kún saiyn at qoralarda dezinfektsiia jasaý. Biz bul jumystardyń barysyn baqylap otyrmyz", – dep túsindirdi QR AShM Veterinarlyq baqylaý jáne qadaǵalaý komitetiniń aýmaqtyq inspektsiiasy basqarmasynyń basshysy Darhan Imanbaev.
Tórtkól aýylynyń turǵyny Mádeniet Jumadildániń 20 bas maly qyrylyp qalǵan. Sonymen qatar, fermer jylqylaryn emdeýge de qyrýar qarajat jumsaǵanyn aitady.
"Ótken jyly 10 bas qyryldy. Biyl taǵy on jylqymnan aiyryldym. Áli de keibir jylqylarym aýyryp jatyr. Olardy emdeý jáne únemi kútim jasaý kerek. Bul qanshama shyǵyn. Biraq basqa amal joq. Áitpese, barlyq úiirimizden aiyrylyp qalamyz", – deidi Mádeniet Jumadilda.
Afrikalyq juqpaly dert negizinen tuiaqty janýarlar arasynda taraidy.
Sarapshylardyń pikirinshe, aýrýdy juqtyrǵan jylqylarda jara paida bolady, sodan keiin olar irińdep ketedi eken.
Tórtkól aýylynyń turǵyndary, eger jaýapty organdar qyrylǵan maldyń shyǵynyn óteý protsesin jedeldetpese, quzyretti organdarǵa júginbekshi.
