فوتو: www.gov.kz
قاراعاندى وبلىسى بۇقار جىراۋ اۋدانىنىڭ ٷش اۋىلىندا ەپيزووتييالىق ليمفانگيت تٸركەلگەن. ەكٸ جىل ٸشٸندە 300-دەن استام جىلقى قىرىلعان, دەپ حابارلايدى Ult.kz inbusiness.kz-كە سٸلتەمە جاساپ.
قاراعاندى وبلىسى اۋماقتىق ينسپەكتسيياسىنىڭ ماماندارى بۇقار جىراۋ اۋدانىنىڭ ٷش اۋىلىندا ەپيدەمييا تٸركەلگەنٸن رەسمي راستادى. جىلقىلار اراسىنداعى دەرتتٸ ەكٸ جىل بۇرىن ٷمٸتكەر اۋىلدىق وكرۋگٸنٸڭ ماماندارى انىقتاعان. جۇقپالى مال اۋرۋى اۋداننىڭ تاعى ەكٸ اۋىلىندا تٸركەلگەن.
"كارانتيندٸك ايماقتا ۆەتەرينارييالىق باقىلاۋ جەنە قاداعالاۋ كوميتەتٸ ەپيزووتيكالىق اۋرۋلارعا قارسى رەسپۋبليكالىق جاساعىنىڭ ماماندارى جۇمىس ٸستەۋدە. ولاردىڭ مٸندەتٸ – بەس كٷندە بٸر رەت ٸرٸ جىلقى ٷيٸرلەرٸن اينالىپ ٶتٸپ, كلينيكالىق راستالعان اۋرۋى بار جانۋارلاردى وقشاۋلاۋ. ەر ون بەس كٷن سايىن ات قورالاردا دەزينفەكتسييا جاساۋ. بٸز بۇل جۇمىستاردىڭ بارىسىن باقىلاپ وتىرمىز", – دەپ تٷسٸندٸردٸ قر اشم ۆەتەرينارلىق باقىلاۋ جەنە قاداعالاۋ كوميتەتٸنٸڭ اۋماقتىق ينسپەكتسيياسى باسقارماسىنىڭ باسشىسى دارحان يمانباەۆ.
تٶرتكٶل اۋىلىنىڭ تۇرعىنى مەدەنيەت جۇمادٸلدەنٸڭ 20 باس مالى قىرىلىپ قالعان. سونىمەن قاتار, فەرمەر جىلقىلارىن ەمدەۋگە دە قىرۋار قاراجات جۇمساعانىن ايتادى.
"ٶتكەن جىلى 10 باس قىرىلدى. بيىل تاعى ون جىلقىمنان ايىرىلدىم. ەلٸ دە كەيبٸر جىلقىلارىم اۋىرىپ جاتىر. ولاردى ەمدەۋ جەنە ٷنەمٸ كٷتٸم جاساۋ كەرەك. بۇل قانشاما شىعىن. بٸراق باسقا امال جوق. ەيتپەسە, بارلىق ٷيٸرٸمٸزدەن ايىرىلىپ قالامىز", – دەيدٸ مەدەنيەت جۇمادٸلدا.
افريكالىق جۇقپالى دەرت نەگٸزٸنەن تۇياقتى جانۋارلار اراسىندا تارايدى.
ساراپشىلاردىڭ پٸكٸرٸنشە, اۋرۋدى جۇقتىرعان جىلقىلاردا جارا پايدا بولادى, سودان كەيٸن ولار ٸرٸڭدەپ كەتەدٸ ەكەن.
تٶرتكٶل اۋىلىنىڭ تۇرعىندارى, ەگەر جاۋاپتى ورگاندار قىرىلعان مالدىڭ شىعىنىن ٶتەۋ پروتسەسٸن جەدەلدەتپەسە, قۇزىرەتتٸ ورگاندارعا جٷگٸنبەكشٸ.
