Qaraǵandy oblysynda kiikterdi atyp alǵan brakonerler ustaldy, dep habarlaidy "Ult aqparat".
«Qaraǵandy orman jáne janýarlar dúniesin qorǵaý sharýashylyǵynyń mamandary Nura aýdanynyń Sherbakovskii kentindegi Ohotzooprom inspektorlarymen jáne aýmaqtyq inspektsiiasymen birge túngi reid ótkizip, brakonerlerdi quryqtady. Kólikte úsh kiiktiń basy jáne terisi boldy. Janýarlardy aýlaǵan ańshylardyń biri kinásin moiyndady», - delingen oblys ákimdiginiń resmi saitynda.
Málim etilgendei, brakonerlerdi aqbókenderdiń tirshilik etý ortasyna monitoring jasap júrgen Qaraǵandy orman sharýashylyǵynyń jedel toby baiqap qalǵan. Inspektorlar Nura aýdanyna janýarlarǵa jem berip, azyqtandyrý úshin barǵan.
Qazir aqbókenderdiń tekeleri kúileýge bailanysty álsiregen kezeń. Mamandardyń aitýynsha, kóptegen brakoner janýarlardyń sol jaǵdaiyn paidalanyp, atyp alady.
Kiikterdi zańsyz aýlaǵany úshin 3-ten 7 jylǵa deiin bas bostandyǵynan aiyrý jazasy qarastyrylǵanyn eske salamyz.
