قاراعاندى وبلىسىندا كيٸكتەردٸ اتىپ العان براكونەرلەر ۇستالدى, دەپ حابارلايدى "ۇلت اقپارات".
«قاراعاندى ورمان جەنە جانۋارلار دٷنيەسٸن قورعاۋ شارۋاشىلىعىنىڭ ماماندارى نۇرا اۋدانىنىڭ ششەرباكوۆسكيي كەنتٸندەگٸ وحوتزووپروم ينسپەكتورلارىمەن جەنە اۋماقتىق ينسپەكتسيياسىمەن بٸرگە تٷنگٸ رەيد ٶتكٸزٸپ, براكونەرلەردٸ قۇرىقتادى. كٶلٸكتە ٷش كيٸكتٸڭ باسى جەنە تەرٸسٸ بولدى. جانۋارلاردى اۋلاعان اڭشىلاردىڭ بٸرٸ كٸنەسٸن مويىندادى», - دەلٸنگەن وبلىس ەكٸمدٸگٸنٸڭ رەسمي سايتىندا.
مەلٸم ەتٸلگەندەي, براكونەرلەردٸ اقبٶكەندەردٸڭ تٸرشٸلٸك ەتۋ ورتاسىنا مونيتورينگ جاساپ جٷرگەن قاراعاندى ورمان شارۋاشىلىعىنىڭ جەدەل توبى بايقاپ قالعان. ينسپەكتورلار نۇرا اۋدانىنا جانۋارلارعا جەم بەرٸپ, ازىقتاندىرۋ ٷشٸن بارعان.
قازٸر اقبٶكەندەردٸڭ تەكەلەرٸ كٷيلەۋگە بايلانىستى ەلسٸرەگەن كەزەڭ. مامانداردىڭ ايتۋىنشا, كٶپتەگەن براكونەر جانۋارلاردىڭ سول جاعدايىن پايدالانىپ, اتىپ الادى.
كيٸكتەردٸ زاڭسىز اۋلاعانى ٷشٸن 3-تەن 7 جىلعا دەيٸن باس بوستاندىعىنان ايىرۋ جازاسى قاراستىرىلعانىن ەسكە سالامىز.
