Qaraǵandy oblysynyń Shahan kentinde koronavirýs infektsiiasyn juqtyrý oqiǵasy tirkeldi.
Osyǵan bailanysty Shahtinsk qalasynyń bas sanitarlyq dárigeri atalǵan eldi mekende shekteý sharalaryn qatańdatý týraly sheshim qabyldady, dep habarlaidy "Ult aqparat".
Oblystyq sanitarlyq-epidemiologiialyq baqylaý departamentinde virýs juqtyrǵandardyń naqty sany áli anyqtalǵan joq. Sebebi PTR-test nátijeleri áli daiyn emes. Vedomstvo infektsiia oshaǵy oqshaýlanǵanyn jáne dárigerler bailanysta bolǵan adamdardy anyqtaǵanyn habarlady.
«Mekemede dezinfektsiialyq óńdeý júrgizildi. Barlyq naýqastarǵa qajetti em kórsetiledi. Aýyr haldegi naýqastar joq», - dep atap ótti Qaraǵandy oblysynyń sanitarlyq-epidemiologiialyq baqylaý departamentinde.
Shahan kentinde koronavirýs infektsiiasymen syrqattanýshylyqtyń oblystyq kórsetkishinen asyp ketýine bailanysty Shahtinsk qalasynyń bas memlekettik sanitariialyq dárigeri birqatar shekteý sharasyn engizý týraly sheshim qabyldady.
Osylaisha, mynadai qyzmetterge tyiym salynady:
- mektepke deiingi balalar mekemeleri;
- balalar kabinetteriniń/túzetý ortalyqtarynyń, balalar men eresekterdiń bilim berý ortalyqtarynyń qyzmeti;
- sporttyq-saýyqtyrý ortalyqtarynyń, trenajer zaldarynyń, sport úiirmeleriniń/sektsiialarynyń jumysy;
- jármeńkeler;
- mádeniet obektileriniń.
Jalpy bilim beretin mektepter qashyqtyqtan oqytý formatyna kóshýde.
Qazaqstan Respýblikasynyń eńbek zańnamasyna sáikes demalys kúnderi mynadai shekteý sharalary engiziledi:
- senbi jáne jeksenbi kúnderi monshalardyń, saýnalardyń jumysyn toqtata turý;
- senbi jáne jeksenbi kúnderi bazarlardyń jumysyn toqtata turý.
Qoǵamdyq tamaqtaný obektileriniń qyzmetin saǵat 09-00-den 20-00-ge deiin shekteý (50% - ǵa deiin toltyrylǵan jaǵdaida, zalda 30-dan aspaityn oryn ornata otyryp, áleýmettik qashyqtyqty, maska rejimin, termometriiany, kúsheitilgen sanitariialyq-dezinfektsiialyq rejimdi saqtai otyryp, buqaralyq is-sharalar ótkizbei).
Qyzmet kórsetý salasyndaǵy sýbektilerdiń (Ekinshi deńgeidegi bankter, poshta bólimsheleri, Halyqqa qyzmet kórsetý ortalyqtary, advokattyq jáne notariattyq keńseler, lombardtar, mikroqarjy jáne mikrokredittik uiymdar, saqtandyrý kompaniialary) qyzmetin (aldyn ala jazylý boiynsha) saǵat 09-00-den 16-00-ge deiin shekteý.
Demalys kúnderi (senbi jáne jeksenbi) Shahtinsk-Shahan-Shahtinsk qatynasyndaǵy qala mańyndaǵy turaqty jolaýshylar tasymaldarynyń qozǵalysy toqtaidy.
Turǵyndarǵa qyzmetine ruqsat etilmegen obektilerge barýǵa tyiym salynady, sondai-aq olardyń jumys rejimine sáikes jabylǵannan keiin obektilerde bolýǵa tyiym salynady.
Qaýly 2021 jylǵy 6 aqpanda saǵat 00-00-den bastap kúshine enedi.
