Foto: Pexels.com
Qaraǵandy oblysy Politsiia departamentiniń habarlaýynsha, «Balqash-Saryshaǵan» jolynda toqtatylǵan kólikten esirtki tabyldy, dep habarlaidy Ult.kz.
«10 qarashada "Balqash-Saryshaǵan" avtojolynda patrýldik politsiia batalonynyń qyzmetkerleri 31 jastaǵy azamat basqaryp kele jatqan "Geely Coolray" avtokóligin toqtatty. Kólikti toqtatýǵa memlekettik nómirlik belgilerdiń bolmaýy siiaqty jol qozǵalysy erejelerin buzý sebep bolǵan», - dep habarlady oblystyq politsiia departamenti.
Kólikti tekserý barysynda júksalǵyshtan salmaǵy shamamen 12 kg bolatyn aq tústi untaq tárizdes zat salynǵan 18 paket tabyldy. Oqiǵa ornyna tergeý-jedel toby shaqyrylyp, tyiym salynǵan zattyń bar ekendigine qatysty kúdik rastaldy.
Keiin kólik tizgininde bolǵan № 29108 áskeri bólimniń divizion komandiri ekeni anyqtaldy.
Osyǵan bailanysty Qurlyq áskerleriniń baspasóz qyzmeti túsinikteme berdi.
«10 qarashada demalysta júrgen Saryózek garnizonyndaǵy áskeri bólimniń áskeri qyzmetshisin Jetisý oblysyna esirtki tasymaldaýy kezinde UQK qyzmetkerleri ustady. Qylmystyq is qozǵaldy. Tergeýdiń obektivti ótkizilýi maqsatynda Qurlyq áskerleri quqyq qorǵaý organdaryna kómektesýde», - delingen habarlamada.
Atalǵan fakt boiynsha qylmystyq is qozǵaldy. Júrgizýshi qamaýǵa alynyp, ýaqytsha ustaý izoliatoryna qamaldy.
