فوتو: Pexels.com
قاراعاندى وبلىسى پوليتسييا دەپارتامەنتٸنٸڭ حابارلاۋىنشا, «بالقاش-سارىشاعان» جولىندا توقتاتىلعان كٶلٸكتەن ەسٸرتكٸ تابىلدى, دەپ حابارلايدى Ult.kz.
«10 قاراشادا "بالقاش-سارىشاعان" اۆتوجولىندا پاترۋلدٸك پوليتسييا باتالونىنىڭ قىزمەتكەرلەرٸ 31 جاستاعى ازامات باسقارىپ كەلە جاتقان "Geely Coolray" اۆتوكٶلٸگٸن توقتاتتى. كٶلٸكتٸ توقتاتۋعا مەملەكەتتٸك نٶمٸرلٸك بەلگٸلەردٸڭ بولماۋى سيياقتى جول قوزعالىسى ەرەجەلەرٸن بۇزۋ سەبەپ بولعان», - دەپ حابارلادى وبلىستىق پوليتسييا دەپارتامەنتٸ.
كٶلٸكتٸ تەكسەرۋ بارىسىندا جٷكسالعىشتان سالماعى شامامەن 12 كگ بولاتىن اق تٷستٸ ۇنتاق تەرٸزدەس زات سالىنعان 18 پاكەت تابىلدى. وقيعا ورنىنا تەرگەۋ-جەدەل توبى شاقىرىلىپ, تىيىم سالىنعان زاتتىڭ بار ەكەندٸگٸنە قاتىستى كٷدٸك راستالدى.
كەيٸن كٶلٸك تٸزگٸنٸندە بولعان № 29108 ەسكەري بٶلٸمنٸڭ ديۆيزيون كومانديرٸ ەكەنٸ انىقتالدى.
وسىعان بايلانىستى قۇرلىق ەسكەرلەرٸنٸڭ باسپاسٶز قىزمەتٸ تٷسٸنٸكتەمە بەردٸ.
«10 قاراشادا دەمالىستا جٷرگەن سارىٶزەك گارنيزونىنداعى ەسكەري بٶلٸمنٸڭ ەسكەري قىزمەتشٸسٸن جەتٸسۋ وبلىسىنا ەسٸرتكٸ تاسىمالداۋى كەزٸندە ۇقك قىزمەتكەرلەرٸ ۇستادى. قىلمىستىق ٸس قوزعالدى. تەرگەۋدٸڭ وبەكتيۆتٸ ٶتكٸزٸلۋٸ ماقساتىندا قۇرلىق ەسكەرلەرٸ قۇقىق قورعاۋ ورگاندارىنا كٶمەكتەسۋدە», - دەلٸنگەن حابارلامادا.
اتالعان فاكت بويىنشا قىلمىستىق ٸس قوزعالدى. جٷرگٸزۋشٸ قاماۋعا الىنىپ, ۋاقىتشا ۇستاۋ يزولياتورىنا قامالدى.
