Foto: t.me/POLICE_of_KZ
Qaraǵandy oblysynda taza qandy Arab tuqymdy báige atyn urlap, soiyp alǵan kúdiktiler ustaldy, dep habarlaidy "Ult aqparat" oblystyq Politsiia departamenti baspasóz qyzmetine silteme jasap.
Qaraǵandy oblysy, Shet aýdandyq politsiia bólimine 30 jastaǵy aýdan turǵyny aryzdanyp, belgisiz bireýler halyqaralyq báigege daiyndap júrgen tulparyn urlap ketkeni týraly habarlaǵan. Jábirlenýshige keltirilgen shyǵyn 1 million 500 myń teńgeni quraǵan.
"Politsiia qyzmetkerlerimen júrgizilgen keshendi jedel-izdestirý is-sharalary barysynda osy iske qatysy bar degen kúdikpen 23 jáne 54 jastaǵy azamattar ustaldy. Olar Shet aýdanyndaǵy blok-bekette qolǵa tústi. Kúdiktiler urlanǵan jylqyny soiyp, múshelep tastaǵany týraly moiyndaý kórsetpe belgilerin berdi.
Atalǵan fakt boiynsha QR Qylmystyq kodeksiniń 188-1 babyna sáikes qylmystyq is qozǵaldy", - deidi Qaraǵandy oblystyq Politsiia departamenti Kriminaldyq politsiia basqarmasynyń bastyǵy Aslan Óskembaev.
Sondai-aq, basqarma bastyǵynyń aitýynsha, jyl basynan beri oblys aýmaǵynda 644 bas mal urlanyp, onyń 547-si ielerine qaitarylǵan. Mal urlyǵynyń aldyn alý maqsatynda 13 qyrkúiek pen 30 jeltoqsan aralyǵynda oblys aýmaǵynda "Mal urysy" jedel aldyn alý is-sharasy ótkizilip jatyr. Is-shara aiasynda óńirdegi avtojoldarǵa 17 jyljymaly beket qoiylǵan.
