Qaraǵandy oblysynyń jeke sot oryndaýshylary Qaraǵandy oblysy Ádilet departamentiniń kómegi negizinde aliment boiynsha mindettemelerin oryndamaǵan boryshkerlerge qatysty qylmystyq jaýapkershilikke tartý sharalaryn júzege asyrýda, dep habarlaidy "Ult aqparat" óńir basshysynyń resmi saityna silteme jasap.
2021 jylǵy 8 aqpanda Qaraǵandy oblysy kámeletke tolmaǵandar isteri jónindegi mamandandyrylǵan aýdanaralyq sotynyń úkimimen boryshker A.T.Asanov (familiiasy ózgertilgen) Qazaqstan Respýblikasy Qylmystyq Kodeksiniń 139 babyna sáikes kináli dep tanylǵan.
Úkim boiynsha boryshkerdiń 1 jylǵa bostandyǵy shektelip, taǵaiyndalǵan barlyq merzimge probatsiialyq baqylaý qoiylyp, jaza merzimi boiynda 100 saǵat májbúrlep eńbekke tartylǵan. Atalǵan úkim 2021 jyldyń 23 aqpanynan bastap kúshine endi.
Boryshkerdiń aliment boiynsha bereshek somasy 3 250 021 teńgeni quraǵan.
Sottalǵan boryshker birneshe jyl boiy kámeletke tolmaǵan balalaryn asyraý úshin aliment boiynsha óz mindetterin oryndamaǵan.
Sonymen qatar, 2020 jyly Qylmystyq Kodekstiń 139 baby boiynsha 6 boryshker qylmystyq jaýapkershilikke tartylǵan.
